Ońtústik Qazaqstan oblysyniń ákimi Janseiit Túimebaev Ordabasy aýdanyna jumys saparyn Badam aýylynda ornalasqan «Ordabasy nan» JShS-niń jumysymen tanysýdan bastady, dep habarlaidy óńirlik ákimdiktiń baspasóz qyzmeti.
Atalǵan seriktestik negizinen zamanaýi úlgidegi túrik tehnologiialaryn paidalanyp, sapaly un ónimin shyǵarýmen ainalysady. Ónim halyqaralyq deńgeidegi memlekettik talaptarǵa, al óndiris qondyrǵylary halyqaralyq standartqa sáikestendirilgen.
Alǵash ret jumysyn 2008 jyldyń 2-toqsanynda bastaǵan seriktestik 2015 jyly óndiris qýattylyǵyn arttyrý maqsatymen diirmen qurylysyn ulǵaityp, túrik tehnologiiasymen jańa qondyrǵylar ornatylǵan. Nátijesinde munda táýligine 450 tonna bidai óńdelip, un ónimderi óndiriledi. Bul jobanyń jalpy investitsiialyq quny 2 mlrd. 680 mln. teńgeni quraidy. Búgingi tańda "Ordabasy nan" ónimderi otandyq naryqpen qatar, Aýǵanstan, Qyrǵyzstan, Ózbekstan elderine eksporttalýda.
Munan soń oblys ákimi Bórjar aýyl okrýgindegi «Migraj-B» JShS-niń mal bordaqylaý alańyn da aralap kórdi. Bul keshen bir mezette 200 iri qara mal men jylqy bordaqylaýǵa yńǵailastyrylǵan. Munda jylyna 70 tonna et óndirý josparlanyp otyr.
Oblys basshysy aialdaǵan kelesi nysan - jeke kásipker Ermekbai Ýteevtiń jylyjaiy boldy. «Aýyl sharýashylyǵyn qarjylai qoldaý qory» arqyly 2 mln. teńge nesie alǵan kásipker jylyjai salyp, 2 azamatty jumyspen qamtyp otyr.
Sondai-aq, oblys basshysynyń nazaryna «Órleý» baǵdarlamasy boiynsha aýdanda atqarylǵan jumystar usynyldy. 2017 jyldyń 10 aiynda baǵdarlama aiasynda aýdan boiynsha 1142 otbasyǵa 307 million teńgeden astam qarjy úilestirilgen. Azamattardyń deni alǵan qarjyny mal sharýashylyǵyn júrgizýge jumsaýda. Janseiit Túimebaev «Órleý» jobasymen qarjy alǵan qolónershilerden dombyra satyp aldy.
«Ońtústikqazaqstandyqtar «Órleý» jobasynyń tiimdiligin kóre bastady. Órleý» jobasy aiasynda búginge deiin jalpy somasy 6 mlrd-tan astam teńge bolatyn shartty aqshalai kómekti 20 myńnan astam jerlesimiz alyp, otbasylyq tabystaryn eselep otyr. Sondyqtan kásip ashyp, tirlik isteimin degen azamattarǵa memleket tarapynan jasalynatyn jeńildikterdi nasihattaý qajet» - Janseiit Qanseiituly.
Óńir basshysy Tórtkúl aýylyndaǵy «Nur Agro 73» JShS-niń maqta óńdeý zaýytynyń da jumysymen tanysty. Óz jumysyn 2016 jyly bastaǵan nysannyń investitsiialyq quny - 255 mln. teńgeni quraidy. Munda búginde 300 adam turaqty jumyspen qamtylǵan. Onyń 230-y jergilikti turǵyndar. 14 óndiristik qurylǵyda jylyna 30 myń tonna maqta óńdeledi. Oblys kóleminde Maqtaral, Shardara, Ordabasy aýdandarynan maqta qabyldanady. Tórtkúlde daiyndalǵan maqta talshyqtary búginde Chehiiaǵa, Belorýsiia men Moldovaǵa eksporttalýda. Munan ózge Shymkenttegi «Melanj tekstil» fabrikasyna jóneltiledi.
