وڭتٷستٸك قازاقستان وبلىسىنٸڭ ەكٸمٸ جانسەيٸت تٷيمەباەۆ ورداباسى اۋدانىنا جۇمىس ساپارىن بادام اۋىلىندا ورنالاسقان «ورداباسى نان» جشس-نٸڭ جۇمىسىمەن تانىسۋدان باستادى, دەپ حابارلايدى ٶڭٸرلٸك ەكٸمدٸكتٸڭ باسپاسٶز قىزمەتٸ.
اتالعان سەرٸكتەستٸك نەگٸزٸنەن زاماناۋي ٷلگٸدەگٸ تٷرٸك تەحنولوگييالارىن پايدالانىپ, ساپالى ۇن ٶنٸمٸن شىعارۋمەن اينالىسادى. ٶنٸم حالىقارالىق دەڭگەيدەگٸ مەملەكەتتٸك تالاپتارعا, ال ٶندٸرٸس قوندىرعىلارى حالىقارالىق ستاندارتقا سەيكەستەندٸرٸلگەن.
العاش رەت جۇمىسىن 2008 جىلدىڭ 2-توقسانىندا باستاعان سەرٸكتەستٸك 2015 جىلى ٶندٸرٸس قۋاتتىلىعىن ارتتىرۋ ماقساتىمەن ديٸرمەن قۇرىلىسىن ۇلعايتىپ, تٷرٸك تەحنولوگيياسىمەن جاڭا قوندىرعىلار ورناتىلعان. نەتيجەسٸندە مۇندا تەۋلٸگٸنە 450 توننا بيداي ٶڭدەلٸپ, ۇن ٶنٸمدەرٸ ٶندٸرٸلەدٸ. بۇل جوبانىڭ جالپى ينۆەستيتسييالىق قۇنى 2 ملرد. 680 ملن. تەڭگەنٸ قۇرايدى. بٷگٸنگٸ تاڭدا "ورداباسى نان" ٶنٸمدەرٸ وتاندىق نارىقپەن قاتار, اۋعانستان, قىرعىزستان, ٶزبەكستان ەلدەرٸنە ەكسپورتتالۋدا.
مۇنان سوڭ وبلىس ەكٸمٸ بٶرجار اۋىل وكرۋگٸندەگٸ «ميگراج-ب» جشس-نٸڭ مال بورداقىلاۋ الاڭىن دا ارالاپ كٶردٸ. بۇل كەشەن بٸر مەزەتتە 200 ٸرٸ قارا مال مەن جىلقى بورداقىلاۋعا ىڭعايلاستىرىلعان. مۇندا جىلىنا 70 توننا ەت ٶندٸرۋ جوسپارلانىپ وتىر.
وبلىس باسشىسى ايالداعان كەلەسٸ نىسان - جەكە كەسٸپكەر ەرمەكباي ۋتەەۆتٸڭ جىلىجايى بولدى. «اۋىل شارۋاشىلىعىن قارجىلاي قولداۋ قورى» ارقىلى 2 ملن. تەڭگە نەسيە العان كەسٸپكەر جىلىجاي سالىپ, 2 ازاماتتى جۇمىسپەن قامتىپ وتىر.
سونداي-اق, وبلىس باسشىسىنىڭ نازارىنا «ٶرلەۋ» باعدارلاماسى بويىنشا اۋداندا اتقارىلعان جۇمىستار ۇسىنىلدى. 2017 جىلدىڭ 10 ايىندا باعدارلاما اياسىندا اۋدان بويىنشا 1142 وتباسىعا 307 ميلليون تەڭگەدەن استام قارجى ٷيلەستٸرٸلگەن. ازاماتتاردىڭ دەنٸ العان قارجىنى مال شارۋاشىلىعىن جٷرگٸزۋگە جۇمساۋدا. جانسەيٸت تٷيمەباەۆ «ٶرلەۋ» جوباسىمەن قارجى العان قولٶنەرشٸلەردەن دومبىرا ساتىپ الدى.
«وڭتٷستٸكقازاقستاندىقتار «ٶرلەۋ» جوباسىنىڭ تيٸمدٸلٸگٸن كٶرە باستادى. ٶرلەۋ» جوباسى اياسىندا بٷگٸنگە دەيٸن جالپى سوماسى 6 ملرد-تان استام تەڭگە بولاتىن شارتتى اقشالاي كٶمەكتٸ 20 مىڭنان استام جەرلەسٸمٸز الىپ, وتباسىلىق تابىستارىن ەسەلەپ وتىر. سوندىقتان كەسٸپ اشىپ, تٸرلٸك ٸستەيمٸن دەگەن ازاماتتارعا مەملەكەت تاراپىنان جاسالىناتىن جەڭٸلدٸكتەردٸ ناسيحاتتاۋ قاجەت» - جانسەيٸت قانسەيٸتۇلى.
ٶڭٸر باسشىسى تٶرتكٷل اۋىلىنداعى «نۇر اگرو 73» جشس-نٸڭ ماقتا ٶڭدەۋ زاۋىتىنىڭ دا جۇمىسىمەن تانىستى. ٶز جۇمىسىن 2016 جىلى باستاعان نىساننىڭ ينۆەستيتسييالىق قۇنى - 255 ملن. تەڭگەنٸ قۇرايدى. مۇندا بٷگٸندە 300 ادام تۇراقتى جۇمىسپەن قامتىلعان. ونىڭ 230-ى جەرگٸلٸكتٸ تۇرعىندار. 14 ٶندٸرٸستٸك قۇرىلعىدا جىلىنا 30 مىڭ توننا ماقتا ٶڭدەلەدٸ. وبلىس كٶلەمٸندە ماقتارال, شاردارا, ورداباسى اۋداندارىنان ماقتا قابىلدانادى. تٶرتكٷلدە دايىندالعان ماقتا تالشىقتارى بٷگٸندە چەحيياعا, بەلورۋسييا مەن مولدوۆاعا ەكسپورتتالۋدا. مۇنان ٶزگە شىمكەنتتەگٸ «مەلانج تەكستيل» فابريكاسىنا جٶنەلتٸلەدٸ.
