Orta salmaqta IBF jáne IBO chempiony Gennadii Golovkin (41-1-1, 36 KO) Riota Mýratamen (16-2, 13 KO) ótýi kerek jekpe-jekke qatysty qiyndyqtardy aityp berdi, - dep habarlaidy Tengrinews.kz tilshisi Vesti.kz saityna silteme jasap.
Kezdesý 9 sáýirde Saitamada (Japoniia) ótetin boldy. Bul týraly qazaqstandyq boksshy jýrnalist Ariel Helvanige bergen suhbatynda aitty.
"Daiyndyq sozylyp ketti, uzaq ýaqytqa. Jeltoqsanda babyma keldim. Odan keiin aqpanǵa aýystyrdy, oǵan daiyndaldym. Endi bári sáýirge shegerildi. Kóńilge bir demeý bolary, ekeýmiz de osyndai jaǵdaida ekenimiz jáne bul bizdiń kinámizden emestigi. Alaida ekinshi jaǵynan jeltoqsanda babyma kelip, osy ýaqytqa deiin eki-úsh jekpe-jek ótkizip tastaýǵa bolar edi. Mine bul ókinishti", - dedi boksshy.
