Foto: Gov.kz
25 qyrkúiekte Qazaqstan Respýblikasynyń Ulttyq mýzeiinde QR Mádeniet jáne aqparat ministrliginiń qoldaýymen «Oǵyz dala mádenietiniń izderi» atty halyqaralyq kórmeniń saltanatty ashylý rásimi ótti, dep habarlaidy Ult.kz.
Is-shara aiasynda ǵylymi seminar uiymdastyrylyp, tarihshylar, arheologtar, etnologtar jáne mádeniettanýshylar oǵyz murasyn zertteýdiń ózekti máselelerin talqylady.
Kórmege Qazaqstan Respýblikasynyń Ulttyq mýzeii, Qyzylorda oblystyq ólketaný mýzeii, Qorqyt Ata atyndaǵy Qyzylorda ýniversiteti qorynan – jalpy sany 300-ge jýyq túpnusqa jádiger men maket qoiyldy. Olardyń kópshiligi Búkilálemdik mura nysandary retinde jiktelgen jáne ulttyq mádenietti dáripteýdiń mańyzdy quraly sanalady.
Ekspozitsiia Jankent qalashyǵyndaǵy arheologiialyq oljalardan bastap, VIII–XI ǵasyrlardaǵy dini nanym-senimderdi jáne oǵyz taipalarynyń mádeni murasyn qamtidy. Immersivti tehnologiialar men mýltimediialyq materialdar arqyly kelýshiler tarihi protsesterdi jańa qyrynan tani alady. «Oǵyz dala mádenietiniń izderi» kórmesi – Qazaqstannyń mádeni saiasatyn halyqaralyq deńgeide nasihattaýǵa, ulttyq muranyń álemdik órkeniettegi ornyn aiqyndaýǵa jáne eldiń oń imidjin qalyptastyrýǵa baǵyttalǵan aýqymdy joba.
Ekspozitsiiany 2025 jyldyń 25 qazanyna deiin tamashalaýǵa bolady.
