Foto: Pixabay.com
Almaty oblysynyń Saimasai kentinde 7-synyp oqýshysy óz-ózine qol saldy. Qaiǵyly oqiǵaǵa deiin balanyń otbasyndaǵy qiyn jaǵdai týraly birneshe ret shaǵym túskeni belgili boldy, dep habarlaidy Ult.kz KzNews.kz saityna silteme jasap.
Biyl aqpan aiynda kórshileri «Nemolchi» qoǵamdyq qoryna habarlasyp, otbasynyń turmystyq jáne áleýmettik jaǵdaiynyń aýyr ekenin jetkizgen. Olardyń aitýynsha, balalardyń anasy ishimdikke salynyp ketken, úidegi turmys jaǵdaiy syn kótermegen, al ógei ákeniń tarapynan zorlyq-zombylyq belgileri baiqalǵan.
Qor ókilderi bul derekti naqtylap, tiisti aqparatty iývenaldy politsiia bólimine joldaǵan. Osydan keiin quqyq qorǵaý organdary tekserý bastaǵan. «Nemolchi» qory keiin bul jaǵdaiǵa tolyq aralaspai qalǵandaryn jáne bul sheshimniń qate bolǵanyn moiyndaǵan.
Almaty oblystyq politsiia departamenti oqiǵanyń bolǵanyn rastady.
«Atalǵan derek boiynsha qylmystyq is qozǵaldy. Tergeý áreketteri oblystyq politsiia departamentiniń úilestirýimen júrgizilip jatyr. Oqiǵanyń mán-jaiy jan-jaqty jáne obektivti zertteledi. Is oblystyq PD basshylyǵynyń erekshe baqylaýynda», – delingen vedomstvonyń resmi habarlamasynda.
Qazirgi tańda oqiǵaǵa qatysty barlyq jaýapty tulǵalardyń is-áreketine baǵa berý maqsatynda tergeý amaldary júrgizilip jatyr. Balanyń ólimine qatysty naqty sebepter sot-meditsinalyq saraptama nátijesinen keiin anyqtalmaq.
