Qyrǵyzstannyń Toqmok qalasynda turmystyq zorlyq-zombylyqqa qatysty aýyr derek anyqtaldy. Tergeý málimetinshe, er adam birge turatyn áieli men onyń eki kámeletke tolmaǵan balasyna birneshe jyl boiy kúsh kórsetip kelgen, dep habarlaidy ult.kz.
2026 jylǵy 3 tamyzda 1993 jyly týǵan áiel quqyq qorǵaý organdaryna aryzdanǵan. Ol birge turatyn 1988 jyly týǵan azamattyń sońǵy úsh jyl ishinde ózin jáne eki balasyn únemi uryp-soǵyp, qorlyq kórsetkenin málimdegen.
Tekserý barysynda kúdiktiniń áiel men balalarǵa elektr togymen áser etetin qurylǵyny (elektroshoker) qoldanyp, beldikpen urǵany anyqtalǵan. Sonyń saldarynan jábirlenýshiler túrli dene jaraqatyn alǵan.
Qazir áiel men onyń eki balasyna qatysty sot-meditsinalyq saraptama taǵaiyndaldy.
Atalǵan derek boiynsha Toqmok qalalyq ishki ister bólimi Qyrǵyz Respýblikasynyń Qylmystyq kodeksiniń 138-babynyń 3-bóligimen qylmystyq is qozǵady. 1988 jyly týǵan er adam kúdikti retinde ustalyp, ýaqytsha ustaý izoliatoryna qamaldy.
