قىرعىزستاننىڭ توقموك قالاسىندا تۇرمىستىق زورلىق-زومبىلىققا قاتىستى اۋىر دەرەك انىقتالدى. تەرگەۋ مەلٸمەتٸنشە, ەر ادام بٸرگە تۇراتىن ەيەلٸ مەن ونىڭ ەكٸ كەمەلەتكە تولماعان بالاسىنا بٸرنەشە جىل بويى كٷش كٶرسەتٸپ كەلگەن, دەپ حابارلايدى ult.kz.
2026 جىلعى 3 تامىزدا 1993 جىلى تۋعان ەيەل قۇقىق قورعاۋ ورگاندارىنا ارىزدانعان. ول بٸرگە تۇراتىن 1988 جىلى تۋعان ازاماتتىڭ سوڭعى ٷش جىل ٸشٸندە ٶزٸن جەنە ەكٸ بالاسىن ٷنەمٸ ۇرىپ-سوعىپ, قورلىق كٶرسەتكەنٸن مەلٸمدەگەن.
تەكسەرۋ بارىسىندا كٷدٸكتٸنٸڭ ەيەل مەن بالالارعا ەلەكتر توگىمەن ەسەر ەتەتٸن قۇرىلعىنى (ەلەكتروشوكەر) قولدانىپ, بەلدٸكپەن ۇرعانى انىقتالعان. سونىڭ سالدارىنان جەبٸرلەنۋشٸلەر تٷرلٸ دەنە جاراقاتىن العان.
قازٸر ەيەل مەن ونىڭ ەكٸ بالاسىنا قاتىستى سوت-مەديتسينالىق ساراپتاما تاعايىندالدى.
اتالعان دەرەك بويىنشا توقموك قالالىق ٸشكٸ ٸستەر بٶلٸمٸ قىرعىز رەسپۋبليكاسىنىڭ قىلمىستىق كودەكسٸنٸڭ 138-بابىنىڭ 3-بٶلٸگٸمەن قىلمىستىق ٸس قوزعادى. 1988 جىلى تۋعان ەر ادام كٷدٸكتٸ رەتٸندە ۇستالىپ, ۋاقىتشا ۇستاۋ يزولياتورىنا قامالدى.
