Foto: Pexels.com
Qazaqstan Respýblikasy Qarjy ministriniń orynbasary Erjan Birjanov qazaqstandyqtarǵa biryńǵai ýaqyt beldeýiniń áserin zertteý boiynsha ǵylymi grantqa ótinimge qatysty pikir bildirdi, dep habarlaidy Ult.kz Orda.kz-ke silteme jasap.
Ol prezidenttiń shyǵyndardy qysqartý, sonyń ishinde túrli konsalting qyzmetteri, seminarlar jáne basqa da sharalarǵa jumsalatyn qarajatty azaitý týraly tapsyrmasyn eske saldy. Qarajat naqty sektorǵa baǵyttalýy tiis.
«Kelesi jylǵa josparlanǵan aǵymdaǵy biýdjette bul qarajat qarastyrylmaǵan. Bálkim, granttar arqyly syrtqy qarajat tartylýy múmkin. Biraq kez kelgen shyǵynnyń negizdemesi qujat júzinde dáleldenýi kerek — mysaly, qorytyndylarmen. Eger bul jumysty 10 nemese 15 qyzmetker júrgizetin bolsa, bul jalaqy qory. Eger, shartty túrde, halyqaralyq keńesshi tartylatyn bolsa, onda jumys kúshin tartý quny esepke alynady. Munyń bári muqiiat qarastyrylýy kerek. Qomaqty somany birden bólý — árine, ondai bolmaidy», — dedi Erjan Birjanov.
Densaýlyq saqtaý ministrligi qazaqstandyqtarǵa jańa ýaqyt beldeýiniń áserin zertteý úshin úsh jyldyq ǵylymi grantqa 160 mln teńge kóleminde ótinim bergen.
