Foto: Polisia.kz
QR IIM Interpol UQO-nyń suraý salýy boiynsha Túrkiia Respýblikasynyń aýmaǵynda Mańǵystaý oblysynyń politsiia departamenti tutqyndaý jáne ekstraditsiialaý maqsatynda halyqaralyq izdestirýge jariialaǵan 32 jastaǵy qazaqstandyq anyqtalyp, ustaldy, – dep habarlaidy "Ult aqparat"Polisia.kz portalyna silteme jasap.
"Ol oblys turǵyndaryn qarjy piramidasyna tartqany úshin izdestirildi jáne “Oceans Enterprise” kompaniiasynyń atynan áreket etetin alaiaqtyq toptyń uiymdastyrýshylarynyń biri boldy.
Alaiaqtar áleýmettik jelilerde salymshylardy tartý úshin Smart Trade Soin dep atalatyn kriptovaliýtany satyp alý arqyly jyldam aqsha tabý múmkindigi týraly aqparatty taratýmen ainalysty.
Sotqa deiingi tergeý barysynda 60-tan astam jábirlenýshiden ótinish tústi. Aldanǵan azamattarǵa keltirilgen shyǵyn kólemi – 212 mln teńge" - delingen habarlamada.
IIM baspasóz qyzmeti málimetinshe, Qazaqstannyń Túrkiiadaǵy elshiligimen tyǵyz qarym-qatynas jasai otyryp, ol Astana qalasynda jetkizilip, qamaýǵa alyndy.
