QR Mádeniet jáne sport ministrliginiń keńeitilgen alqa májilisinde oblys ortalyqtarynda kitap dúkenin ashqandarǵa ǵimarat jaldaý jeńildikterin berý usynyldy, dep habarlaidy QazAqparat.
«Qazir qazaqsha kitaptardy odan ári ilgeri jyljytý úshin oblys ortalyqtarynda arnaiy kitap dúkenderin ashatyn adamdarǵa ǵimaratty jaldaý boiynsha jeńildikter jasalsa, memleket tarapynan úlken kómek bolar edi. Osy salada biz qazir avtomattandyrylǵan aqparat júiesin jasap, Qazaqstan Respýblikasynyń kitap ister avtomattandyrý qyzmetterin bastap jatyrmyz», -dedi Ulttyq kitap palatasynyń direktory Ádil Qoitanov.
Sondai-aq, ol atalmysh aqparattyq júieniń kitap isine qatysy bar adamdardyń jumysyn qalai jeńildetkenin atady.
«Bul júieniń basty maqsaty – respýblikanyń kitap qory statistikasyn anyqtaý, tolyqtyrý, kitap qoryn jańartyp, kóbeitý, jas avtorlarǵa qoldaý kórsetý, kitap isine qatysýshy baspalar, kitap satý uiymdary, kitaphanalar, avtorlar arasynda ózara is-qimyldy jandandyryp, olardy ortaq alańǵa biriktirý.
Bul júiede olardyń birneshe modýli bar. Sol modýlder qarym-qatynas jasaýǵa tolyq múmkindik beredi», - dedi Ulttyq kitap palatasynyń direktory.
