قر مەدەنيەت جەنە سپورت مينيسترلٸگٸنٸڭ كەڭەيتٸلگەن القا مەجٸلٸسٸندە وبلىس ورتالىقتارىندا كٸتاپ دٷكەنٸن اشقاندارعا عيمارات جالداۋ جەڭٸلدٸكتەرٸن بەرۋ ۇسىنىلدى, دەپ حابارلايدى قازاقپارات.
«قازٸر قازاقشا كٸتاپتاردى ودان ەرٸ ٸلگەرٸ جىلجىتۋ ٷشٸن وبلىس ورتالىقتارىندا ارنايى كٸتاپ دٷكەندەرٸن اشاتىن ادامدارعا عيماراتتى جالداۋ بويىنشا جەڭٸلدٸكتەر جاسالسا, مەملەكەت تاراپىنان ٷلكەن كٶمەك بولار ەدٸ. وسى سالادا بٸز قازٸر اۆتوماتتاندىرىلعان اقپارات جٷيەسٸن جاساپ, قازاقستان رەسپۋبليكاسىنىڭ كٸتاپ ٸستەر اۆتوماتتاندىرۋ قىزمەتتەرٸن باستاپ جاتىرمىز», -دەدٸ ۇلتتىق كٸتاپ پالاتاسىنىڭ ديرەكتورى ەدٸل قويتانوۆ.
سونداي-اق, ول اتالمىش اقپاراتتىق جٷيەنٸڭ كٸتاپ ٸسٸنە قاتىسى بار ادامداردىڭ جۇمىسىن قالاي جەڭٸلدەتكەنٸن اتادى.
«بۇل جٷيەنٸڭ باستى ماقساتى – رەسپۋبليكانىڭ كٸتاپ قورى ستاتيستيكاسىن انىقتاۋ, تولىقتىرۋ, كٸتاپ قورىن جاڭارتىپ, كٶبەيتۋ, جاس اۆتورلارعا قولداۋ كٶرسەتۋ, كٸتاپ ٸسٸنە قاتىسۋشى باسپالار, كٸتاپ ساتۋ ۇيىمدارى, كٸتاپحانالار, اۆتورلار اراسىندا ٶزارا ٸس-قيمىلدى جانداندىرىپ, ولاردى ورتاق الاڭعا بٸرٸكتٸرۋ.
بۇل جٷيەدە ولاردىڭ بٸرنەشە مودۋلٸ بار. سول مودۋلدەر قارىم-قاتىناس جاساۋعا تولىق مٷمكٸندٸك بەرەدٸ», - دەدٸ ۇلتتىق كٸتاپ پالاتاسىنىڭ ديرەكتورى.
