Qaraǵandy oblysynyń mektepterindegi kompiýterler tolyǵymen jańartyldy. Bul týraly óńir basshysy Jeńis Qasymbek málim etti, dep habarlaidy QazAqparat.
«Oblysta 504 mektep bar, onda 203 myń oqýshy oqidy. Olardyń 60%-y onlain rejimde bilim alyp jatyr. Sonymen qatar, 5 myń kezekshi synyp quryldy, onda bastaýysh synyp oqýshylarynyń 38%-y oqidy. Sondai-aq, shalǵaida ornalasqan 228 aýyldyq mektep shtattyq rejimde jumys isteýde», - dedi J. Qasymbek OKQ-de onlain ótken baspasóz máslihatynda.
Oblys basshysynyń málimdeýinshe, óńirde oqýlyq máselesi de tolyqtai sheshilgen.
«Búgingi tańda oblys mektepterinde kompiýterlik park tolyǵymen jańartyldy. Barlyq mektepterde 47,5 myńnan astam kompiýter bar. Sonymen qatar, az qamtylǵan otbasylardan shyqqan oqýshylardy internetpen qamtamasyz etý úshin 6 myńǵa jýyq roýter taratyldy. Odan bólek, jergilikti biýdjet qarajaty esebinen 58,2 mln teńgege 3 216 modem satyp alynyp, 2 812 bala úshin 26,9 mln teńgege teńgerim toltyrylýda, - deidi ol.
