قاراعاندى وبلىسىنىڭ مەكتەپتەرٸندەگٸ كومپيۋتەرلەر تولىعىمەن جاڭارتىلدى. بۇل تۋرالى ٶڭٸر باسشىسى جەڭٸس قاسىمبەك مەلٸم ەتتٸ, دەپ حابارلايدى قازاقپارات.
«وبلىستا 504 مەكتەپ بار, وندا 203 مىڭ وقۋشى وقيدى. ولاردىڭ 60%-ى ونلاين رەجيمدە بٸلٸم الىپ جاتىر. سونىمەن قاتار, 5 مىڭ كەزەكشٸ سىنىپ قۇرىلدى, وندا باستاۋىش سىنىپ وقۋشىلارىنىڭ 38%-ى وقيدى. سونداي-اق, شالعايدا ورنالاسقان 228 اۋىلدىق مەكتەپ شتاتتىق رەجيمدە جۇمىس ٸستەۋدە», - دەدٸ ج. قاسىمبەك وكق-دە ونلاين ٶتكەن باسپاسٶز مەسليحاتىندا.
وبلىس باسشىسىنىڭ مەلٸمدەۋٸنشە, ٶڭٸردە وقۋلىق مەسەلەسٸ دە تولىقتاي شەشٸلگەن.
«بٷگٸنگٸ تاڭدا وبلىس مەكتەپتەرٸندە كومپيۋتەرلٸك پارك تولىعىمەن جاڭارتىلدى. بارلىق مەكتەپتەردە 47,5 مىڭنان استام كومپيۋتەر بار. سونىمەن قاتار, از قامتىلعان وتباسىلاردان شىققان وقۋشىلاردى ينتەرنەتپەن قامتاماسىز ەتۋ ٷشٸن 6 مىڭعا جۋىق روۋتەر تاراتىلدى. ودان بٶلەك, جەرگٸلٸكتٸ بيۋدجەت قاراجاتى ەسەبٸنەن 58,2 ملن تەڭگەگە 3 216 مودەم ساتىپ الىنىپ, 2 812 بالا ٷشٸن 26,9 ملن تەڭگەگە تەڭگەرٸم تولتىرىلۋدا, - دەيدٸ ول.
