Foto: Gov.kz.
Oblys ákiminiń orynbasary Nurbol Turashbekov búgin jumys saparymen Saryaǵash aýdanynda bardy. Onda birqatar jylyjai ielerimen kezdesti. Sharýalar qatty otyn baǵasyn turaqtandyrý, kókónis pen jemis-jidek importyn retteý boiynsha ótinishterin jetkizip, elektr qýatynyń qys mezgilinde úzdiksiz berilýin qamtamasyz etýdi surady. Qazirgi tańda aýdanda kómir tapshylyǵy joq, dep habarlaidy «Ult aqparat».
Kóterilgen máselelerge qatysty zań aiasynda tiisti jumystar atqarylatynyn aitqan Nurbol Turashbekov oblystyq Aýyl sharýashylyq basqarmasynyń basshysy men aýdan ákimdiginiń jaýapty mamandaryna naqty tapsyrmalar júktedi.
Túrkistan oblysynda jylyjailardyń jalpy kólemi 1 640 gektardy quraidy. Bul respýblikalyq kórsetkishtiń 71 paiyzyn quraidy. Biylǵy 9 aida óńirimizdegi jylyjailarda 150 myń tonna kókónis jinalyp, maýsymaralyq kezeńde jergilikti ónimmen respýblika halqy qajettiligin 42 paiyzǵa qamtamasyz etti. Ónerkásiptik jylyjailardy damytý boiynsha búgingi tańda 602 gektar alqapty qamtityn 3 joba júzege asyrylýda.
Nátijesinde jańadan 6 150 jumys oryndary qurylyp, jylyjailardan qosymsha 180 myń tonna ónim jinalady dep kútilýde. Bul óz kezeginde respýblika halqyn maýsymaralyq kezeńde jylyjai ónimderimen 100 paiyz qamtamasyz etýge múmkindik ashady.
