فوتو: Gov.kz.
وبلىس ەكٸمٸنٸڭ ورىنباسارى نۇربول تۇراشبەكوۆ بٷگٸن جۇمىس ساپارىمەن سارىاعاش اۋدانىندا باردى. وندا بٸرقاتار جىلىجاي يەلەرٸمەن كەزدەستٸ. شارۋالار قاتتى وتىن باعاسىن تۇراقتاندىرۋ, كٶكٶنٸس پەن جەمٸس-جيدەك يمپورتىن رەتتەۋ بويىنشا ٶتٸنٸشتەرٸن جەتكٸزٸپ, ەلەكتر قۋاتىنىڭ قىس مەزگٸلٸندە ٷزدٸكسٸز بەرٸلۋٸن قامتاماسىز ەتۋدٸ سۇرادى. قازٸرگٸ تاڭدا اۋداندا كٶمٸر تاپشىلىعى جوق, دەپ حابارلايدى «ۇلت اقپارات».
كٶتەرٸلگەن مەسەلەلەرگە قاتىستى زاڭ اياسىندا تيٸستٸ جۇمىستار اتقارىلاتىنىن ايتقان نۇربول تۇراشبەكوۆ وبلىستىق اۋىل شارۋاشىلىق باسقارماسىنىڭ باسشىسى مەن اۋدان ەكٸمدٸگٸنٸڭ جاۋاپتى ماماندارىنا ناقتى تاپسىرمالار جٷكتەدٸ.
تٷركٸستان وبلىسىندا جىلىجايلاردىڭ جالپى كٶلەمٸ 1 640 گەكتاردى قۇرايدى. بۇل رەسپۋبليكالىق كٶرسەتكٸشتٸڭ 71 پايىزىن قۇرايدى. بيىلعى 9 ايدا ٶڭٸرٸمٸزدەگٸ جىلىجايلاردا 150 مىڭ توننا كٶكٶنٸس جينالىپ, ماۋسىمارالىق كەزەڭدە جەرگٸلٸكتٸ ٶنٸممەن رەسپۋبليكا حالقى قاجەتتٸلٸگٸن 42 پايىزعا قامتاماسىز ەتتٸ. ٶنەركەسٸپتٸك جىلىجايلاردى دامىتۋ بويىنشا بٷگٸنگٸ تاڭدا 602 گەكتار القاپتى قامتيتىن 3 جوبا جٷزەگە اسىرىلۋدا.
نەتيجەسٸندە جاڭادان 6 150 جۇمىس ورىندارى قۇرىلىپ, جىلىجايلاردان قوسىمشا 180 مىڭ توننا ٶنٸم جينالادى دەپ كٷتٸلۋدە. بۇل ٶز كەزەگٸندە رەسپۋبليكا حالقىن ماۋسىمارالىق كەزەڭدە جىلىجاي ٶنٸمدەرٸمەن 100 پايىز قامتاماسىز ەتۋگە مٷمكٸندٸك اشادى.
