Túrkistan oblysynyń ákimdigi Arystaǵy órttiń tolyqtai sóndirilgenin, endi evakýatsiialanǵan turǵyndardyń alańsyz úilerine qaita alatynyn habarlady. Bul týraly Túrkistan oblysy ákimdiginiń Instagram paraqshasynan málim boldy.
Ondaǵy málimetterge qaraǵanda, 6 tamyz kúni saǵat 16:25 minýtta Arys qalasynyń «Arys» temirjol vokzalynda júk poiyzynyń konteinerinen órt shyqqany týraly habarlama kelip túsken.
2 konteinerde 54 ydysqa tielgen «sary fosfor» bolǵan. Atalǵan poiyz Jambyl oblysynan Reseige bet alǵan.
Órt shyqqan vagondar «Qazaqstan temir joly» AQ kúshimen poiyzdan ajyratylyp, qaýipsiz jerge qoiyldy. Saǵat 17.50-de oqiǵa ornynda jedel shtab quryldy.
Jergilikti ákimdik tarapynan «Naýryz» móltekaýdanynan 1700 adam evakýatsiialandy. Onyń ishinde 1050 adam týystarynyń úiine jaiǵassa, 650 adam ýaqytsha ashylǵan 4 evakýatsiialyq pýnktke ornalastyryldy.
Oqiǵaǵa bailanysty Túrkistan oblysy TJD jedel jelini iske qosty. Oqiǵa ornynda qurylǵan jedel shtabta oblys ákiminiń orynbasary S. Qalqamanov, oblystyq TJD bastyǵy N. Júnisov, oblystyq Politsiia departamentiniń bastyǵy A.Seidýaliev, Arys qalasynyń ákimi G.Qurmanbekova, Arys qalasy boiynsha TJ komissiiasy men avariialyq qyzmet ókilderi jumys isteýde. Sanitarlyq-epidemiologiialyq qyzmet tarapynan órt sóndirilgennen keiin aýa synamasy alyndy.
«Politsiia Departamenti órt bolǵan poiyz aýmaǵy men eldi meken mańyn qorshap, 6 blok-beket qoidy. Órt sóndirýge 291 adam, 42 tehnika jáne órt sóndirý poiyzy jumys isteýde.
Órt 21.55-te tolyqtai sóndirildi. Qazirgi tańda Arys qalasynyń 60 qyzmetkeri «Naýryz» móltekaýdanynyń turǵyndarynyń úilerin kúzetýde. Turǵyndardyń úilerine qaitýǵa bolady. Olardyń ómiri men densaýlyǵyna tónip turǵan qaýip joq», - delingen Túrkistan oblysy ákimi baspasóz qyzmetiniń habarlamasynda.
Aita keteiik, búgin Arys stantsiiasynda shamamen keshki saǵat 18:30-dar shamasynda Jambyl oblysynan Reseige jóneltilgen fosfor salynǵan eki konteiner órtendi.
Oblys ákimi baspasóz qyzmetiniń habarlaýynsha, tirkemede barlyǵy 64 vagon bolǵan.
Túrkistan oblysy ákiminiń orynbasary Sáken Qalqamanov Naýryz aýdanynyń turǵyndaryna qaýipsiz jerge kóshýge keńes berdi.
Keiinirek Arys qalasynyń Naýryz aýdanynan 1700 adam qaýipsiz jerge kóshirildi.
