Astanada QR Energetika ministrligi men Qazaqstan Elektroenergetikalyq Qaýymdastyǵy (QEQ) uiymdastyrǵan, kómir generatsiiasyn damytýǵa arnalǵan aýqymdy dóńgelek ústel ótti. Sharaǵa memlekettik organdar men biznes ókilderi, sondai-aq energetikalyq kompaniialardyń ieleri men basshylary qatysty. Pikirtalastyń negizgi qatysýshylarynyń biri «OAEK» AQ aktsioneri Sergei Kan boldy. Kompaniianyń basty joldaýy: jumys istep turǵan stantsiialardy jańǵyrtý kómirtegin ustaý jáne saqtaý (CCS) júiesin qosa alǵanda, dekarbonizatsiianyń ozyq tehnologiialaryn engizýmen qatar júrýi tiis.
Ulttyq josparǵa sáikes, 2035 jylǵa qarai kómir generatsiiasynyń qýaty 21,2 GVt-qa deiin artady. 7,6 GVt kólemindegi ósim energiia júiesiniń turaqtylyǵyn qamtamasyz etedi, biraq ekologiialyq turǵydan jańa syn-qaterler týǵyzady – bul jyl saiyn qosymsha 30 mln tonnaǵa deiin CO2 shyǵaryndysy degen sóz. OAEK pozitsiiasy aiqyn: dástúrli tazartý ádisteri endi jetkiliksiz.
«OAEK» AQ aktsioneri Sergei Kan innovatsiialardyń strategiialyq mańyzdylyǵyn atap ótti: «Eldiń ekologiia salasyndaǵy halyqaralyq kelisimder boiynsha jaýapkershiligi bar, sondyqtan biz alǵa qarai qaraýymyz kerek. Aldyńǵy jyly Qazaqstan munai jáne gaz institýtymen jáne Schlumberger kompaniiasymen birlesip jer qoinaýyn zerdeledik. Nátijesinde Ertis mańy basseininen dál osy CO2 gazyn kómýge jaramdy birneshe rezervýar taptyq. Alǵashqy zertteý nátijeleri qujat túrinde resimdeldi. Menińshe, bolashaqta bul tehnologiia shyǵaryndylardy azaitýdyń negizgi quralyna ainalady – biz busyz alǵa jylji almaimyz. Eger qazir bastasaq, 2035 jylǵa qarai jobany tolyq engizemiz».
Pavlodar oblysy iri emitentterge jaqyn ornalasýyna bailanysty CCS-hab qurý úshin tamasha alań bolyp tabylady. Jobanyń jol kartasy 2026 jyly ǴZTKJ-ny (ǵylymi-zertteý jáne tájiribelik-konstrýktorlyq jumystardy) aiaqtaýdy jáne 2035 jylǵa qarai óndiristik aidaýdy bastaýdy kózdeidi. Jobanyń joǵary qunyn eskere otyryp (bir qazandyqty tazartý – shamamen 40 mlrd teńge), ony iske asyrý úshin memlekettik qoldaý men jańa retteýshi baza qajet.
Óz kezeginde biznestiń bastamasyna qatysty QR Energetika ministri Erlan Aqkenjenov pikir bildirip, dekarbonizatsiiany Ulttyq jobaǵa engizý qajettigin atap ótti:
«Bizge CO2 gazyn topyraqqa ári qarai aidaýdyń geologiialyq múmkindikterin joǵary dáldikpen anyqtap alýymyz kerek».
OAEK energiia qaýipsizdigi men halyqaralyq ekologiialyq standarttar arasyndaǵy tepe-teńdikti saqtai otyryp, bul ózgeristerdiń kóshbasshysy bolýǵa daiyn ekenin rastaidy.
