2024 jyldan bastap «Shottardyń biryńǵai jospary» jańa quraly engizilmek. Bul týraly Parlament Májilisiniń jalpy otyrysynda biýdjet zańnamasyn jetildirý týraly qujatty qaraý kezinde Ulttyq ekonomika ministri Áset Erǵaliev málim etti, dep habarlaidy QazAqparat.
«Biýdjet qarajatyn paidalaný tiimdiligin arttyrý maqsatynda aýditorlyq esep nátijeleri boiynsha zańnamada belgilengen maqsattarǵa paidalanylmaǵan nysanaly aýdarym somalaryn 3 ai ishinde respýblikalyq biýdjetke qaitarý kózdeledi», - dedi ministr.
Onyń aitýynsha, jergilikti atqarýshy organdarǵa jergilikti biýdjettiń qolma-qol aqsha tapshylyǵyn jabýǵa qaryzdar bólý merzimin 3 jyldan 6 aiǵa deiin qysqartý usynylady. Bul jergilikti atqarýshy organdardyń jergilikti biýdjettiń kiris bóligin ulǵaitýdaǵy yqpalyn arttyrýy tiis.
Budan bólek, eseptilikti jetildirý aiasynda 2024 jyldan bastap «Shottardyń biryńǵai jospary» jańa quralyn engizý usynylyp otyr.
«Biýdjettiń atqarylýy týraly jyldyq esepti jetildirý aiasynda, strategiialyq josparlar men óńirlerdi damytý baǵdarlamalarynyń iske asyrylýy týraly esepterdiń negizinde biýdjettiń shyǵystary týraly analitikalyq esepti qalyptastyrý kózdelip otyr. Sonymen qatar, Parlamentte jyldyq esepti qaraý kezinde respýblikalyq biýdjetten beriletin nysanaly transfertterdi paidalaný boiynsha ákimderdiń esebin tyńdaý kózdeledi. Bul jergilikti atqarýshy organdardyń nysanaly transfertterdi paidalaný boiynsha jaýaptylyǵyn arttyrýǵa múmkinshilik beredi», - dedi Áset Erǵaliev.
