2024 جىلدان باستاپ «شوتتاردىڭ بٸرىڭعاي جوسپارى» جاڭا قۇرالى ەنگٸزٸلمەك. بۇل تۋرالى پارلامەنت مەجٸلٸسٸنٸڭ جالپى وتىرىسىندا بيۋدجەت زاڭناماسىن جەتiلدiرۋ تۋرالى قۇجاتتى قاراۋ كەزٸندە ۇلتتىق ەكونوميكا مينيسترٸ ەسەت ەرعاليەۆ مەلٸم ەتتٸ, دەپ حابارلايدى قازاقپارات.
«بيۋدجەت قاراجاتىن پايدالانۋ تيٸمدٸلٸگٸن ارتتىرۋ ماقساتىندا اۋديتورلىق ەسەپ نەتيجەلەرٸ بويىنشا زاڭنامادا بەلگٸلەنگەن ماقساتتارعا پايدالانىلماعان نىسانالى اۋدارىم سومالارىن 3 اي ٸشٸندە رەسپۋبليكالىق بيۋدجەتكە قايتارۋ كٶزدەلەدٸ», - دەدٸ مينيستر.
ونىڭ ايتۋىنشا, جەرگٸلٸكتٸ اتقارۋشى ورگاندارعا جەرگٸلٸكتٸ بيۋدجەتتٸڭ قولما-قول اقشا تاپشىلىعىن جابۋعا قارىزدار بٶلۋ مەرزٸمٸن 3 جىلدان 6 ايعا دەيٸن قىسقارتۋ ۇسىنىلادى. بۇل جەرگٸلٸكتٸ اتقارۋشى ورگانداردىڭ جەرگٸلٸكتٸ بيۋدجەتتٸڭ كٸرٸس بٶلٸگٸن ۇلعايتۋداعى ىقپالىن ارتتىرۋى تيٸس.
بۇدان بٶلەك, ەسەپتٸلٸكتٸ جەتٸلدٸرۋ اياسىندا 2024 جىلدان باستاپ «شوتتاردىڭ بٸرىڭعاي جوسپارى» جاڭا قۇرالىن ەنگٸزۋ ۇسىنىلىپ وتىر.
«بيۋدجەتتٸڭ اتقارىلۋى تۋرالى جىلدىق ەسەپتٸ جەتٸلدٸرۋ اياسىندا, ستراتەگييالىق جوسپارلار مەن ٶڭٸرلەردٸ دامىتۋ باعدارلامالارىنىڭ ٸسكە اسىرىلۋى تۋرالى ەسەپتەردٸڭ نەگٸزٸندە بيۋدجەتتٸڭ شىعىستارى تۋرالى اناليتيكالىق ەسەپتٸ قالىپتاستىرۋ كٶزدەلٸپ وتىر. سونىمەن قاتار, پارلامەنتتە جىلدىق ەسەپتٸ قاراۋ كەزٸندە رەسپۋبليكالىق بيۋدجەتتەن بەرٸلەتٸن نىسانالى ترانسفەرتتەردٸ پايدالانۋ بويىنشا ەكٸمدەردٸڭ ەسەبٸن تىڭداۋ كٶزدەلەدٸ. بۇل جەرگٸلٸكتٸ اتقارۋشى ورگانداردىڭ نىسانالى ترانسفەرتتەردٸ پايدالانۋ بويىنشا جاۋاپتىلىعىن ارتتىرۋعا مٷمكٸنشٸلٸك بەرەدٸ», - دەدٸ ەسەت ەرعاليەۆ.
