"Mamyrdyń 19-y kúni «QazMunaiGaz-Aero» JShS jalǵyz qatysýshysynyń sheshimimen Shamsýtdinov Ildar Tagirovich kompaniianyń bas direktory bolyp taǵaiyndaldy. Buǵan deiin bul qyzmetti Nurjan Nurlanuly Nurlanov atqarǵan edi.
Ildar Shamsýtdinov munai-gaz salasynyń bilikti mamany. Onyń Qazaqstan Respýblikasy men Resei Federatsiiasynyń munai-gaz óndirý kásiporyndarynda, sondai-aq halyqaralyq treiding kompaniialarynda saýda, biznesti damytý, logistikalyq operatsiialar jáne kelisimshattar jasasý baǵyttary boiynsha mol tájiribesi bar", - delingen resmi habarlamada,
Shamsýtdinov 2000 jyly Qazaq memlekettik basqarý akademiiasyn «Qarjy jáne kredit» mamandyǵy boiynsha, 2004 jyly Q. Sátbaev atyndaǵy Qazaq ulttyq tehnikalyq ýniversitetin «Munai jáne gaz ken oryndaryn igerý» mamandyǵy boiynsha támamdaǵan. MBA dárejesine ie (RF Prezidenti janyndaǵy Resei aýyl sharýashylyǵy jáne memleket qyzmet akademiiasy).
Eńbek jolyn 2000 jyly «CNPC-Aktobemunaigas» AAQ kompaniiasynda munai satý injeneri, munai tasymaldaý mamany bolyp bastaǵan.
2005-2006 jyldary «Qazaqoil Aqtóbe» JShS munai satý bóliminiń jetekshi mamany bolyp jumys istedi.
2006-2007 jyldary – «Buzashy Opereiting Ltd» kompaniiasynda marketing departamentiniń jetekshi mamany.
2008-2011 jyldary «Nazym munai-gaz barlaý ekspeditsiiasy» JAQ jáne «Hanty-Mansiisk munai kompaniiasy» JAQ uiymdarynyń Máskeý ókildiginiń basshysy qyzmetin atqardy.
2010-2017 jyldary – «Jaiyqmunai» JShS logistika departamentiniń basshysy.
2017 jyldan bastap Exmor Group DMCC/ Enco Trading DMCC/ Supreme Petroleum Pte Ltd kompaniialar tobynda (Dýbai jáne Máskeý) logistika menedjeri, munai ónimderin satý menedjeri jáne treiding pen biznesti damytý jetekshisi bolyp qyzmet etken.
Aita keteiik, eks-basshy Nurjan Nurlanov - Májilistiń burynǵy spikeri Nurlan Nyǵmatýlinniń kenje uly, "QazMunaiGaz-Aero" kompaniiasyn 2019 jyldyń aqpanynan beri basqardy.
