Májilis tóraǵasy Nurlan Nyǵmatýlin jýrnalisterge arnalǵan «Parlament sózi» syilyǵynyń jeńimpazdaryna Májilis músinshesi men diplomdardy tabystady, dep habarlaidy "Ult aqparat" tómengi palatanyń baspasóz qyzmetine silteme jasap.
Biyl tórtinshi ret ótkizilip otyrǵan dástúrli parlamenttik syilyqtyń qorytyndysy jaz mezgilinde Buqaralyq aqparat quraldary qyzmetkerleriniń kásibi merekesi qarsańynda shyǵarylǵan bolatyn. Alaida karantinge bailanysty estelik músinsheler men laýreattardyń diplomdaryn tapsyrý rásimi kúzgi parlamenttik sessiiaǵa aýystyryldy.
Májilis Tóraǵasy «Parlament sózi» syilyǵyn jeńimpazdarǵa tabystap, buqaralyq aqparat quraldarynyń elimizdiń damýyndaǵy, sondai-aq depýtattyq korpýs pen jýrnalisterdiń birlesken nátijeli jumysyn atap ótti. Nurlan Nyǵmatýlinniń aitýynsha, jýrnalisterdiń Májilis jumysyn nasihattap, depýtattardyń qyzmetin halyqqa jetkizýde qosqan úlesteri óte zor.
«Parlamenttik jýrnalistikany damytýǵa qosqan úlesi úshin» atalymy boiynsha «Qazaqstan dauiri» bas direktory Sáýle Meshitbaeva jáne «Karavan» gazetiniń bas redaktory Igor Shahnovichke berildi.
«Úzdik televiziialyq siýjet úshin» nominatsiiasyn «Habar» telearnasynyń tilshisi Indira Jylqaidarova men «Eýraziia» birinshi arnasynyń» tilshisi Svetlana Penkova ielendi.
Al, «Úzdik baspa jariialanymy úshin» nominatsiiasyn «Egemen Qazaqstan» gazetiniń tilshisi Temir Qusainov pen «Liter» gazetiniń ujymy jeńip aldy.
«Úzdik internet jáne radio materialy» nominatsiiasyn «Abai.kz» aqparattyq portaly jáne Serik Sabekov («Kazinform») ielendi. «Parlament sózi» syilyǵynyń «Arnaiy reportaj» nominatsiiasyn «Qazaq radiolarynan» Qymbat Dosjan jáne «Habar 24» telearnasynyń korrespondenti Mark Briýshko aldy.
«Úzdik beine – sýret materialy úshin» nominatsiiasyn «Nur Media» fototilshisi Sovetbek Maǵzýmov jáne «Habar» telearnasynyń bas operatory Edil Ermekbaev ielendi.
Sondai-aq, biyl áleýmettik jelidegi úzdikter anyqtaldy. Olar «Áleýmettik jelidegi úzdik material úshin» nominatsiiasyn alǵash ret jýrnalist-bloger Órken Kenjebek jáne YEDILOV ONLINE Telegram-kanalynyń avtory Erbol Edilov ielendi.
Sonymen qatar, Májilis tóraǵasy Nurlan Nyǵmatýlinniń bastamasymen biylǵy jyly «Parlament sózi» arnaiy syilyǵy» nominatsiiasy mezgilsiz dúnieden ótken halqymyzǵa belgili jýrnalist, tanymal telejúrgizýshi, ardaqty azamat, Beisen Quranbektiń qurmetine berilip, arnaiy syilyq jaryna tabystaldy.
Jeńimpazdarǵa Májilis músinsheleri jáne arnaiy diplomdar tabystaldy.
