Búgin Májilis tóraǵasy Nurlan Nyǵmatýlin Japoniianyń Qazaqstandaǵy Tótenshe jáne Ókiletti elshisi Tatsýhiko Kasaidy qabyldady, dep habarlaidy "Ult aqparat" tómengi palatanyń baspasóz qyzmetine silteme jasap.
Palata spikeri elshiniń qazaqstandyq-japondyq qarym-qatynasty, sonyń ishinde, parlamentaralyq bailanysty nyǵaitýǵa qosqan airyqsha eńbegine toqtaldy.
Búginde Japoniia Qazaqstannyń mańyzdy strategiialyq áriptesteriniń biri sanalady.
Nurlan Nyǵmatýlin atap ótkendei, bizdiń elderimizdi beibit ómir qundylyqtary, áleýmettik-ekonomikalyq damýdy qamtamasyz etýge baǵyttalǵan ortaq ustanymdar biriktiredi.
Májilis tóraǵasy Nur-Sultan men Tokio arasyndaǵy dástúrli dostyq ózara tiimdi áriptestik jáne yntymaqtastyq negizinde joǵary deńgeide damý jolyna túskenin alǵa tarta kelip, bul baǵytta Qazaqstannyń Tuńǵysh Prezidenti Nursultan Nazarbaevtyń róli zor ekenin atap ótti.
Qazirgi ýaqytta Memleket basshysy Qasym-Jomart Toqaev atalǵan elmen qatynasty odan ári tereńdetýge kóńil bólip keledi.
Óz kezeginde Tatsýhiko Kasai biyl Táýelsizdigine 30 jyl tolatyn Qazaqstan, osy ýaqyttar ishinde aýqymdy tabystarǵa qol jetkizgenin, bul tiimdi saiasi basshylyqtyń jáne birligi jarasqan halyqtyń eren eńbegi ekenin aityp, shynaiy rizashylyq sezimin bildirdi.
