Májilis tóraǵasy Nurlan Nyǵmatýlin Serbiiadaǵy Parlamentaralyq odaq Assambleiasynyń 141-otyrysynda sóz sóiledi, dep habarlaidy "Ult aqparat" tómengi palatanyń baspasóz qyzmetine silteme jasap.
Álem elderi parlamentshileriniń basyn qosqan mańyzdy sharada halyqaralyq quqyqty nyǵaitý, onyń ishinde parlamenttiń róli men tetikteri, sondai-aq aimaqtyq yntymaqtastyq máseleleri áńgime ózegine ainaldy.
Májilis tóraǵasy qazirgi halyqaralyq seriktestik pen áriptestikke umtylý kezinde uzaq merzimdi memleketaralyq kelisimder ózgerip qana qoimai, tipti Birikken Ulttar Uiymy Qararymen, PAO talqylaýyna shyǵarylatyn máseleler sheńberi mańyzdy ári aýqymdy ekenine toqtaldy.
- Osyǵan bailanysty Tuńǵysh Prezidentimiz Nursultan Nazarbaevtyń strategiialyq baǵytyn Memleket basshysy Qasym-Jomart Toqaev Qazaqstan halyqaralyq quqyqtyń negizgi qaǵidattaryn ustanatyndyǵyn jáne saqtaitynyn atap ótkim keledi, - dedi Nurlan Nyǵmatýlin Parlamentaralyq odaq Assambleiasynyń 141- otyrysynda.
Májilis Tóraǵasy elimiz aimaqtyq jáne jahandyq qaqtyǵystardy tek halyqaralyq moiyndalǵan kelissózder formatynda sheshý úshin dialog alańdaryn quryp jáne iadrolyq qarýsyz álemge qol jetkizýge kúsh salyp jatqandyǵyn eske saldy.
Nurlan Nyǵmatýlinniń aitýynsha, álemniń eki bóliginiń - Eýropa men Aziianyń toǵysynda ornalasqan Qazaqstan úshin aimaqtyq yntymaqtastyqty damytý erekshe mańyzǵa ie.
- Parlamentter ózderiniń múmkindikteri men jumys tetikteri arqyly halyqaralyq quqyq qaǵidalaryn saqtaý men nyǵaitýǵa aitarlyqtai úles qosa alatyny anyq - dedi Májilis tóraǵasy.
Sonymen qatar, osy jyldyń qyrkúieginde Nur-Sultan qalasynda ótken Eýraziia elderi parlamentteri spikerleriniń 4-shi keńesiniń qorytyndysy parlamenttik diplomatiiany damytýdyń róli zor ekenin kórsetti.
Nurlan Nyǵmatýlin halyqaralyq parlamentshilerdiń nazaryn Qazaqstan Respýblikasynyń Tuńǵysh Prezidenti Nursultan Nazarbaevtyń halyqaralyq quqyq negizinde yntymaqtastyqty kúsheitip, damytatyn negizgi bastamalaryna aýdardy.
Ol birinshiden, halyqaralyq quqyqtyń negizgi qaǵidattaryn rastaý boiynsha BUU-nyń joǵary deńgeidegi halyqaralyq konferentsiiasyn shaqyrý týraly.
Óz kezeginde, Parlamentaralyq odaqqa qatysýshy parlamentshiler BUU Jarǵysynyń ortalyq rólin jandandyrý boiynsha joǵary deńgeidegi zańnamalyq pikirsaiystar ótkize alady, - dedi Nurlan Nyǵmatýlin.
Terrorizm qaýpi men esirtkini Internet arqyly satýmen kúreste ortaq kúsh-jigerdi úilestiretin jáne álemdik ekonomika men áleýmettik damýdyń jańa tsifrlyq dáýirge ótýiniń quqyqtyq negizin jasaýǵa kómektesetin quqyqtyq aktilerdi úilestirý de mańyzdy.
Halyqaralyq sharttar men kelisimderdi ratifikatsiialaý halyqaralyq quqyqtyń nyǵaiýyna da yqpal etedi.
Osyǵan bailanysty, Májilis tóraǵasy óz áriptesterin BUU-nyń Iadrolyq qarýǵa tyiym salý týraly jańa shartyn qoldaýǵa jáne ony Parlamentaralyq odaqqa qatysýshy elderdi ratifikatsiialaýǵa úndedi. Qazaqstan osy kelisimge osy jyldyń shildesinde qol qoiyp, ratifikatsiialady, bul bizdiń iadrolyq qarýsyz álemge qol jetkizýge degen umtylysty rastaidy, - dedi Nurlan Nyǵmatýlin Parlamentaralyq odaq Assambleiasynyń 141-shi otyrysynda.
Májilis tóraǵasy halyqaralyq quqyqty nyǵaitý jáne aimaqtyq yntymaqtastyqty damytý siiaqty jahandyq máselelerdi sheshý álemniń barlyq elderiniń birlesken kúsh-jigerin jáne kelisilgen is-qimyldaryn talap etetinine senim bildirdi.
- Biz ulttyq zańnamalardy irgeli halyqaralyq normativtik qujattarǵa, eń aldymen Birikken Ulttar Uiymynyń konventsiialaryna sáikes birizdendirý múddesinde parlamentaralyq yntymaqtastyq áleýetin barynsha paidalanýymyz kerek, - dep atap ótti Nurlan Nyǵmatýlin.
