مەجٸلٸس تٶراعاسى نۇرلان نىعماتۋلين سەربيياداعى پارلامەنتارالىق وداق اسسامبلەياسىنىڭ 141-وتىرىسىندا سٶز سٶيلەدٸ, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
ەلەم ەلدەرٸ پارلامەنتشٸلەرٸنٸڭ باسىن قوسقان ماڭىزدى شارادا حالىقارالىق قۇقىقتى نىعايتۋ, ونىڭ ٸشٸندە پارلامەنتتٸڭ رٶلٸ مەن تەتٸكتەرٸ, سونداي-اق ايماقتىق ىنتىماقتاستىق مەسەلەلەرٸ ەڭگٸمە ٶزەگٸنە اينالدى.
مەجٸلٸس تٶراعاسى قازٸرگٸ حالىقارالىق سەرٸكتەستٸك پەن ەرٸپتەستٸككە ۇمتىلۋ كەزٸندە ۇزاق مەرزٸمدٸ مەملەكەتارالىق كەلٸسٸمدەر ٶزگەرٸپ قانا قويماي, تٸپتٸ بٸرٸككەن ۇلتتار ۇيىمى قارارىمەن, پاو تالقىلاۋىنا شىعارىلاتىن مەسەلەلەر شەڭبەرٸ ماڭىزدى ەرٸ اۋقىمدى ەكەنٸنە توقتالدى.
- وسىعان بايلانىستى تۇڭعىش پرەزيدەنتٸمٸز نۇرسۇلتان نازارباەۆتىڭ ستراتەگييالىق باعىتىن مەملەكەت باسشىسى قاسىم-جومارت توقاەۆ قازاقستان حالىقارالىق قۇقىقتىڭ نەگٸزگٸ قاعيداتتارىن ۇستاناتىندىعىن جەنە ساقتايتىنىن اتاپ ٶتكٸم كەلەدٸ, - دەدٸ نۇرلان نىعماتۋلين پارلامەنتارالىق وداق اسسامبلەياسىنىڭ 141- وتىرىسىندا.
مەجٸلٸس تٶراعاسى ەلٸمٸز ايماقتىق جەنە جاھاندىق قاقتىعىستاردى تەك حالىقارالىق مويىندالعان كەلٸسسٶزدەر فورماتىندا شەشۋ ٷشٸن ديالوگ الاڭدارىن قۇرىپ جەنە يادرولىق قارۋسىز ەلەمگە قول جەتكٸزۋگە كٷش سالىپ جاتقاندىعىن ەسكە سالدى.
نۇرلان نىعماتۋليننٸڭ ايتۋىنشا, ەلەمنٸڭ ەكٸ بٶلٸگٸنٸڭ - ەۋروپا مەن ازييانىڭ توعىسىندا ورنالاسقان قازاقستان ٷشٸن ايماقتىق ىنتىماقتاستىقتى دامىتۋ ەرەكشە ماڭىزعا يە.
- پارلامەنتتەر ٶزدەرٸنٸڭ مٷمكٸندٸكتەرٸ مەن جۇمىس تەتٸكتەرٸ ارقىلى حالىقارالىق قۇقىق قاعيدالارىن ساقتاۋ مەن نىعايتۋعا ايتارلىقتاي ٷلەس قوسا الاتىنى انىق - دەدٸ مەجٸلٸس تٶراعاسى.
سونىمەن قاتار, وسى جىلدىڭ قىركٷيەگٸندە نۇر-سۇلتان قالاسىندا ٶتكەن ەۋرازييا ەلدەرٸ پارلامەنتتەرٸ سپيكەرلەرٸنٸڭ 4-شٸ كەڭەسٸنٸڭ قورىتىندىسى پارلامەنتتٸك ديپلوماتييانى دامىتۋدىڭ رٶلٸ زور ەكەنٸن كٶرسەتتٸ.
نۇرلان نىعماتۋلين حالىقارالىق پارلامەنتشٸلەردٸڭ نازارىن قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆتىڭ حالىقارالىق قۇقىق نەگٸزٸندە ىنتىماقتاستىقتى كٷشەيتٸپ, دامىتاتىن نەگٸزگٸ باستامالارىنا اۋداردى.
ول بٸرٸنشٸدەن, حالىقارالىق قۇقىقتىڭ نەگٸزگٸ قاعيداتتارىن راستاۋ بويىنشا بۇۇ-نىڭ جوعارى دەڭگەيدەگٸ حالىقارالىق كونفەرەنتسيياسىن شاقىرۋ تۋرالى.
ٶز كەزەگٸندە, پارلامەنتارالىق وداققا قاتىسۋشى پارلامەنتشٸلەر بۇۇ جارعىسىنىڭ ورتالىق رٶلٸن جانداندىرۋ بويىنشا جوعارى دەڭگەيدەگٸ زاڭنامالىق پٸكٸرسايىستار ٶتكٸزە الادى, - دەدٸ نۇرلان نىعماتۋلين.
تەرروريزم قاۋپٸ مەن ەسٸرتكٸنٸ ينتەرنەت ارقىلى ساتۋمەن كٷرەستە ورتاق كٷش-جٸگەردٸ ٷيلەستٸرەتٸن جەنە ەلەمدٸك ەكونوميكا مەن ەلەۋمەتتٸك دامۋدىڭ جاڭا تسيفرلىق دەۋٸرگە ٶتۋٸنٸڭ قۇقىقتىق نەگٸزٸن جاساۋعا كٶمەكتەسەتٸن قۇقىقتىق اكتٸلەردٸ ٷيلەستٸرۋ دە ماڭىزدى.
حالىقارالىق شارتتار مەن كەلٸسٸمدەردٸ راتيفيكاتسييالاۋ حالىقارالىق قۇقىقتىڭ نىعايۋىنا دا ىقپال ەتەدٸ.
وسىعان بايلانىستى, مەجٸلٸس تٶراعاسى ٶز ەرٸپتەستەرٸن بۇۇ-نىڭ يادرولىق قارۋعا تىيىم سالۋ تۋرالى جاڭا شارتىن قولداۋعا جەنە ونى پارلامەنتارالىق وداققا قاتىسۋشى ەلدەردٸ راتيفيكاتسييالاۋعا ٷندەدٸ. قازاقستان وسى كەلٸسٸمگە وسى جىلدىڭ شٸلدەسٸندە قول قويىپ, راتيفيكاتسييالادى, بۇل بٸزدٸڭ يادرولىق قارۋسىز ەلەمگە قول جەتكٸزۋگە دەگەن ۇمتىلىستى راستايدى, - دەدٸ نۇرلان نىعماتۋلين پارلامەنتارالىق وداق اسسامبلەياسىنىڭ 141-شٸ وتىرىسىندا.
مەجٸلٸس تٶراعاسى حالىقارالىق قۇقىقتى نىعايتۋ جەنە ايماقتىق ىنتىماقتاستىقتى دامىتۋ سيياقتى جاھاندىق مەسەلەلەردٸ شەشۋ ەلەمنٸڭ بارلىق ەلدەرٸنٸڭ بٸرلەسكەن كٷش-جٸگەرٸن جەنە كەلٸسٸلگەن ٸس-قيمىلدارىن تالاپ ەتەتٸنٸنە سەنٸم بٸلدٸردٸ.
- بٸز ۇلتتىق زاڭنامالاردى ٸرگەلٸ حالىقارالىق نورماتيۆتٸك قۇجاتتارعا, ەڭ الدىمەن بٸرٸككەن ۇلتتار ۇيىمىنىڭ كونۆەنتسييالارىنا سەيكەس بٸرٸزدەندٸرۋ مٷددەسٸندە پارلامەنتارالىق ىنتىماقتاستىق ەلەۋەتٸن بارىنشا پايدالانۋىمىز كەرەك, - دەپ اتاپ ٶتتٸ نۇرلان نىعماتۋلين.
