Májilis Tóraǵasy Nurlan Nyǵmatýlin Koreia Respýblikasy Ulttyq Assambleiasynyń Tóraǵasy Pak Ben Sokpen kezdesti, dep habarlaidy "Ult aqparat".
Pandemiia jaǵdaiyna bailanysty onlain formatta ótken kezdesý barysynda taraptar barlyq sala boiynsha ekijaqty qarym-qatynasty, sonyń ishinde, parlamentaralyq yntymaqtastyqty damytý jaiynda pikir almasty.
Sondai-aq, Qazaqstanda júrgizilip jatqan saiasi reforma týraly keńinen áńgime qozǵaldy.
Májilis Tóraǵasy Koreia Qazaqstannyń Shyǵys Aziiadaǵy mańyzdy strategiialyq áriptesteriniń biri ekenin alǵa tarta kelip, saiasi, saýda-ekonomikalyq saladaǵy jetistikterge toqtaldy.
Nurlan Nyǵmatýlin atap ótkendei, diplomatiialyq qatynas ornaǵan 29 jyldyń ishinde Nur-Sultan men Seýl arasynda qarqyndy saiasi dialog ornap, eki el qatynasyn tereńdetýdiń berik irgetasy qalandy.
Palata spikeriniń aitýynsha, bul jolda Qazaqstannyń Tuńǵysh Prezidenti Nursultan Nazarbaevtyń róli zor.
Búginde qalyptasqan strategiialyq áriptestik Qazaqstan Prezidenti Qasym-Jomart Toqaevtyń jalǵastyrýymen odan ári nyǵaiyp keledi.
Óz kezeginde Pak Ben Sok myrza Qazaqstandy óziniń damý jolyn usynǵan úlgili memleket retinde álemge tanylǵanyn alǵa tarta kelip, eki el arasyndaǵy joǵary deńgeidegi yqpaldastyq qarym-qatynasty rastai otyryp, aldaǵy ýaqytta dástúrli kezdesýler men is sharalardy belsendi jalǵastyrý kerektigin atap ótti.
Kezdesý ieleriniń pikirinshe, osyndai kezdesýler Qazaqstan men Ońtústik Koreia arasyndaǵy ózara senimdi, áriptestikti damytýǵa yqpal etedi.
