Búgin altynshy shaqyrylǵan Parlament Májilisiniń tórtinshi sessiiasynyń sońǵy jalpy otyrysy ótti. Osyǵan orai, Májilis tóraǵasy Nurlan Nyǵmatýlin ótken sessiia jumysyn qorytyndylady, dep habarlaidy "Ult aqparat".
«Búgin biz tórtinshi sessiiadaǵy Májilistiń sońǵy jalpy otyrysyn ótkizip otyrmyz. Ózderińiz bilesizder, bul sessiia Májilis tarihyndaǵy mańyzdy kezeńderdiń biri boldy. Osyǵan orai elimizge, halqymyzǵa qajetti kóptegen zańdar qabyldandy, kóptegen parlamenttik sharalar ótti. Olardyń barlyǵy eń aldymen Elbasynyń áleýmettik-ekonomikalyq strategiialyq mindetterin oryndaýǵa arnaldy. Sonymen birge, Memleket basshysy Qasym-Jomart Toqaevtyń alǵa qoiǵan tapsyrmalaryn júzege asyrýǵa da baǵyttaldy. Bul depýtattyq korpýstyń Úkimetpen, tiisti memlekettik organdarmen jáne qoǵamdyq uiymdarmen birlese atqarǵan jumysynyń nátijesi deýge bolady», - dedi N. Nyǵmatýlin.
Májilis tóraǵasy osy sessiia barysynda 41 jalpy otyrys ótkenin atap ótti. Bul kezeńde palatanyń qaraýynda 110 zań jobasy boldy, onyń ishinde 81-i maquldanyp, Senatqa baǵyttaldy. Sonymen birge, 13 «Úkimet saǵaty» men 2 parlamenttik tyńdaý, 14 kóshpeli otyrys jáne 4 halyqaralyq konferentsiia uiymdastyryldy.
«Sessiia aiaqtalyp jatyr, alaida bizde sailaýshylarmen kezdesý úshin óńirlerge saparlar josparlanǵan. Osy kezdesýler barysynda aitylǵan usynystardy bizdiń jumysta eskerý kerek», - dedi Nurlan Nyǵmatýlin.
Eske sala keteiik, Parlamenttiń tórtinshi sessiiasy 2019 jylǵy 5 shildege deiin uzartyldy.
Atap aitqanda, mańyzdy sharalardy iske asyrý úshin 2019-2021 jyldarǵa arnalǵan respýblikalyq biýdjet týraly zańǵa ózgeristerdi engizý qajet boldy. Osyǵan bailanysty biýdjetke engiziletin ózgeristerdi qarastyrý úshin Parlament sessiiasynyń jumys merzimi uzartyldy.
