بٷگٸن التىنشى شاقىرىلعان پارلامەنت مەجٸلٸسٸنٸڭ تٶرتٸنشٸ سەسسيياسىنىڭ سوڭعى جالپى وتىرىسى ٶتتٸ. وسىعان وراي, مەجٸلٸس تٶراعاسى نۇرلان نىعماتۋلين ٶتكەن سەسسييا جۇمىسىن قورىتىندىلادى, دەپ حابارلايدى "ۇلت اقپارات".
«بٷگٸن بٸز تٶرتٸنشٸ سەسسيياداعى مەجٸلٸستٸڭ سوڭعى جالپى وتىرىسىن ٶتكٸزٸپ وتىرمىز. ٶزدەرٸڭٸز بٸلەسٸزدەر, بۇل سەسسييا مەجٸلٸس تاريحىنداعى ماڭىزدى كەزەڭدەردٸڭ بٸرٸ بولدى. وسىعان وراي ەلٸمٸزگە, حالقىمىزعا قاجەتتٸ كٶپتەگەن زاڭدار قابىلداندى, كٶپتەگەن پارلامەنتتٸك شارالار ٶتتٸ. ولاردىڭ بارلىعى ەڭ الدىمەن ەلباسىنىڭ ەلەۋمەتتٸك-ەكونوميكالىق ستراتەگييالىق مٸندەتتەرٸن ورىنداۋعا ارنالدى. سونىمەن بٸرگە, مەملەكەت باسشىسى قاسىم-جومارت توقاەۆتىڭ العا قويعان تاپسىرمالارىن جٷزەگە اسىرۋعا دا باعىتتالدى. بۇل دەپۋتاتتىق كورپۋستىڭ ٷكٸمەتپەن, تيٸستٸ مەملەكەتتٸك ورگاندارمەن جەنە قوعامدىق ۇيىمدارمەن بٸرلەسە اتقارعان جۇمىسىنىڭ نەتيجەسٸ دەۋگە بولادى», - دەدٸ ن. نىعماتۋلين.
مەجٸلٸس تٶراعاسى وسى سەسسييا بارىسىندا 41 جالپى وتىرىس ٶتكەنٸن اتاپ ٶتتٸ. بۇل كەزەڭدە پالاتانىڭ قاراۋىندا 110 زاڭ جوباسى بولدى, ونىڭ ٸشٸندە 81-ٸ ماقۇلدانىپ, سەناتقا باعىتتالدى. سونىمەن بٸرگە, 13 «ٷكٸمەت ساعاتى» مەن 2 پارلامەنتتٸك تىڭداۋ, 14 كٶشپەلٸ وتىرىس جەنە 4 حالىقارالىق كونفەرەنتسييا ۇيىمداستىرىلدى.
«سەسسييا اياقتالىپ جاتىر, الايدا بٸزدە سايلاۋشىلارمەن كەزدەسۋ ٷشٸن ٶڭٸرلەرگە ساپارلار جوسپارلانعان. وسى كەزدەسۋلەر بارىسىندا ايتىلعان ۇسىنىستاردى بٸزدٸڭ جۇمىستا ەسكەرۋ كەرەك», - دەدٸ نۇرلان نىعماتۋلين.
ەسكە سالا كەتەيٸك, پارلامەنتتٸڭ تٶرتٸنشٸ سەسسيياسى 2019 جىلعى 5 شٸلدەگە دەيٸن ۇزارتىلدى.
اتاپ ايتقاندا, ماڭىزدى شارالاردى ٸسكە اسىرۋ ٷشٸن 2019-2021 جىلدارعا ارنالعان رەسپۋبليكالىق بيۋدجەت تۋرالى زاڭعا ٶزگەرٸستەردٸ ەنگٸزۋ قاجەت بولدى. وسىعان بايلانىستى بيۋدجەتكە ەنگٸزٸلەتٸن ٶزگەرٸستەردٸ قاراستىرۋ ٷشٸن پارلامەنت سەسسيياسىنىڭ جۇمىس مەرزٸمٸ ۇزارتىلدى.
