Búgin Májilis spikeri Nurlan Nyǵmatýlinniń tóraǵalyǵymen Palata biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" tómengi palatanyń baspasóz qyzmetine silteme jasap.
Depýtattar qaraýyna jer qatynastaryn damytý máselelerine qatysty zań jobasy I oqylymda qaraý usynyldy.
Qujatta jalǵa berýdi saqtaý jáne aýyl sharýashylyǵy jerlerin jeke menshikke berýge Jer kodeksi normalarynyń qoldanylýyn 5 jylǵa toqtatý turý kózdelgen.
Aldaǵy jalpy otyrysta Ákimshilik quqyq buzýshylyq týraly kodekske jáne memlekettik basqarý deńgeileri arasynda ókilettikterdi qaita bólý máselelerine qatysty zań jobalary I oqylymda qaralmaq.
Sonymen qatar, kún tártibiniń jobasynda II oqylymda reiderlikke qarsy kúresti kúsheitý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz ainalymyna kedergi keltiretin sharalardy kúsheitý boiynsha zań jobasy bar.
