Búgin Májilis spikeri Nurlan Nyǵmatýlinniń tóraǵalyǵymen Palata biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" tómengi palatanyń baspasóz qyzmetine silteme jasap.
Májilis birinshi oqylymda depýtattardyń bastamasymen ázirlengen qaryzdyq eńbekti retteý máselelerine qatysty zań jobasyn qaraidy.
Qujat qaryzdyq eńbek salasyn quqyqtyq retteýdiń bolmaýyna bailanysty jáne sonyń saldarynan qaýipsizdik pen gigiena talaptaryna sai keletin qazaqstandyq azamattardyń eńbek úshin qandai da bir kemsitýsiz syiaqy alý maqsatynda ázirlengen. Sondai-aq, jumyssyzdyqtan áleýmettik qorǵalýǵa konstitýtsiialyq quqyqtarynyń jappai buzylýyna ákep soǵatyn problemalyq máselelerdi sheshýge baǵyttalǵan.
Sonymen qatar, aldaǵy jalpy otyrysqa Palata Eýraziialyq patent konventsiiasyna Ónerkásiptik úlgilerdi qorǵaý týraly hattamany ratifikatsiialaý týraly zań jobasy usynylady.
Kún tártibiniń jobasynda Qylmystyq jáne Qylmystyq-protsestik kodeksterine qylmystyq protseste azamattardyń quqyqtaryn qorǵaýdy kúsheitý jáne aýdandyq, qalalyq jáne aýyldyq bilik deńgeileriniń derbestigi men jaýapkershiligin keńeitýge qatysty, sondai-aq energiia únemdeý jáne energiia tiimdiligin arttyrý men biýdjet zańnamasyn jetildirý boiynsha zańnamalyq túzetýlerdi jumysqa alatyn bolady.
Sonymen birge, Palatanyń beiindi komitetteri birqatar ratifikatsiialyq qujattardy qorytyndy ázirleý úshin jumysqa alýdy kózdeidi. Atap aitqanda, Qazaqstan men Aziia Damý Banki arasyndaǵy Qaryz týraly kelisimdi (Jai operatsiialar) (COVID-19-ǵa qarsy kúres jónindegi belsendi sharalar men shyǵystardy qoldaý baǵdarlamasy) jáne Eýraziialyq ekonomikalyq odaqtyń taýar belgileri, qyzmet kórsetý belgileri jáne taýarlar shyǵarylǵan jerlerdiń ataýlary týraly shartty ratifikatsiialaý týraly jáne Qazaqstan men Ázerbaijan arasyndaǵy Azamattardyń ózara vizasyz jol júrýleri týraly kelisimge ózgerister engizý týraly hattamany ratifikatsiialaý týraly zań jobalary bar.
