Májilis tóraǵasy Nurlan Nyǵmatýlin palatanyń jalpy otyrysynda maquldanǵan sot júieleri men sýdialardyń mártebesine qatysty zań jobalaryna qatysty pikir bildirdi, dep habarlaidy "Ult aqparat"
«Atalǵan zań jobalary sot júiesin jańǵyrtýdyń jalǵasy. Jaqynda ǵana Memleket basshysy Qasym-Jomart Kemeluly Toqaev sot jumysynyń ashyq, ádil jáne zaman talabyna sai bolýyna erekshe nazar aýdardy. Sondyqtan, búgingi qujattarda osy talaptardy zań jaǵynan qamtamasyz etýge arnalǵan mańyzdy normalar qamtyldy. Endi osy normalar sot salasyna bilikti, kásibi, tájiribeli, jańa mamandardy tartýǵa, sot protsesine joǵary tehnologiialyq múmkindikterdi engizýge jol ashatyn bolady», - dedi Májilis tóraǵasy.
Osy oraida N. Nyǵmatýlin Májilis sot júiesindegi reformalardy zań jaǵynan qamtamasyz etý jumystaryn odan ári jalǵastyratynyn atap ótti.
Budan buryn habarlanǵandai, jalpy otyrysta «Qazaqstan Respýblikasynyń sot júiesi men sýdialarynyń mártebesi týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» QR Konstitýtsiialyq zań jobasy, sondai-aq «Qazaqstan Respýblikasynyń keibir zańnamalyq aktilerine sot júiesin jańǵyrtý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
