مەجٸلٸس تٶراعاسى نۇرلان نىعماتۋلين پالاتانىڭ جالپى وتىرىسىندا ماقۇلدانعان سوت جٷيەلەرٸ مەن سۋديالاردىڭ مەرتەبەسٸنە قاتىستى زاڭ جوبالارىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات"
«اتالعان زاڭ جوبالارى سوت جٷيەسٸن جاڭعىرتۋدىڭ جالعاسى. جاقىندا عانا مەملەكەت باسشىسى قاسىم-جومارت كەمەلۇلى توقاەۆ سوت جۇمىسىنىڭ اشىق, ەدٸل جەنە زامان تالابىنا ساي بولۋىنا ەرەكشە نازار اۋداردى. سوندىقتان, بٷگٸنگٸ قۇجاتتاردا وسى تالاپتاردى زاڭ جاعىنان قامتاماسىز ەتۋگە ارنالعان ماڭىزدى نورمالار قامتىلدى. ەندٸ وسى نورمالار سوت سالاسىنا بٸلٸكتٸ, كەسٸبي, تەجٸريبەلٸ, جاڭا مامانداردى تارتۋعا, سوت پروتسەسٸنە جوعارى تەحنولوگييالىق مٷمكٸندٸكتەردٸ ەنگٸزۋگە جول اشاتىن بولادى», - دەدٸ مەجٸلٸس تٶراعاسى.
وسى ورايدا ن. نىعماتۋلين مەجٸلٸس سوت جٷيەسٸندەگٸ رەفورمالاردى زاڭ جاعىنان قامتاماسىز ەتۋ جۇمىستارىن ودان ەرٸ جالعاستىراتىنىن اتاپ ٶتتٸ.
بۇدان بۇرىن حابارلانعانداي, جالپى وتىرىستا «قازاقستان رەسپۋبليكاسىنىڭ سوت جٷيەسٸ مەن سۋديالارىنىڭ مەرتەبەسٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭ جوباسى, سونداي-اق «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سوت جٷيەسٸن جاڭعىرتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
