Búgin Májilis spikeri Nurlan Nyǵmatýlinniń tóraǵalyǵymen Biýro otyrysy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" Májilistiń baspasóz qyzmetine silteme jasap.
Depýtattar qaraýyna birqatar ratifikatsiialyq zań jobasy usynyldy. Atap aitqanda, Qazaqstan men Resei arasyndaǵy poliar mańyndaǵy orbitalarǵa soltústik baǵytta ǵarysh apparattaryn ushyrý úshin «Baiqońyr» ǵarysh ailaǵynan «Soiýz-2» tipindegi tasymaldaǵysh zymyrandardy ushyrýǵa qatysty kelisimdi, sondai-aq, eki el arasyndaǵy «Baiqońyr» keshenin jalǵa berý shartyna bailanysty zań jobalary bar.
Aldaǵy jalpy otyrysta depýtattar áleýmettik kásipkerlikti damytý máseleleri boiynsha túzetýlerdi jáne Salyq kodeksine tolyqtyrýlar engizý týraly zań jobalaryn II oqylymda qaramaq.
Sonymen qatar, Biýro otyrysynda depýtattar birqatar jańa zań jobalaryn jumysqa alýdy kózdeidi. Olar: reiderlikke qarsy kúresti kúsheitý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz ainalymyna kedergi keltiretin sharalardy kúsheitý máselelerine qatysty, sondai-aq, saqtandyrý naryǵyn jáne baǵaly qaǵazdar naryǵyn retteý men damytý máseleleri týraly zań jobalary.
