Parlament májilisiniń tóraǵasy Nurlan Nyǵmatýlin Qytaidyń Qazaqstandaǵy tótenshe jáne ókiletti elshisi Siao Chjanmen kezdesip, eki el qarym-qatynasynyń damý barysy týraly áńgimelesti.
Parlament májilisi baspasóz qyzmetiniń habarlaýynsha, Nyǵmatýlin Qazaqstan men Qytaidyń ekijaqty ózara qarym-qatynasy qazir strategiialyq áriptestik deńgeiine shyqqanyn aitqan. Nyǵmatýlin sonymen qatar Qazaqstandaǵy "Nurly jol" baǵdarlamasynyń Qytaidyń "Bir beldeý, bir jol" jobasymen túiindestirý nátijesinde Qorǵas beketiniń, Aqtaý portynyń, Qazaqstan-Túrkimenstan-Iran jańa temirjol jelisiniń jáne Batys Eýropa - Batys Qytai halyqaralyq jolynyń ashylǵanyn aitqan.
Elshi Siao Chjan 2019 jyldyń ekijaqty strategiialyq áriptestikti odan ary nyǵaitýda mańyzdy bolatynyn aitqan. Diplomattyń sózinshe, qazir "Nurly jol" baǵdarlamasy men "Bir beldeý, bir jol" jobasy aiasynda 55 iri investitsiialyq indýstrialdyq joba iske asyrylyp jatyr, al biyl birneshe jańa joba iske qosylmaq.
Májilis baspasóz qyzmeti taratqan aqparatta Nyǵmatýlin men Siao Chjannyń kezdesýde týystary Qytaidan Qazaqstanǵa shyǵa almai otyr degen etnikalyq qazaqtardyń jaǵdaiyn talqylaǵany, ia talqylamaǵany aitylmaidy.
