Búgin Parlament Májilisinde palata spikeri Nurlan Nyǵmatýlinniń tóraǵalyǵymen Biýro otyrysy ótti. Onda 30 sáýir men 7 mamyr aralyǵynda depýtattardyń aimaqtarǵa sapary týraly másele qaraldy, dep habarlaidy "Ult aqparat".
Májilis tóraǵasy atap ótkendei, depýtattardyń halyqpen kezdesýlerinde birinshi kezekte, Elbasy Nursultan Nazarbaevtyń áleýmettik bastamalarynyń júzege asyrylý barysy, onyń ishinde, turmysy tómen jáne kópbalaly otbasylardy qoldaý sharalaryna erekshe kóńil bólinedi.
«Depýtattar kezdesý barysynda osy baǵytta qabyldanǵan zańnamalyq qujattarmen qatar, jalpy zańshyǵarýshylyq jumystar jóninde baiandaidy. Halyq qalaýlylary óndiris oryndarynda, aýylsharýashylyq jáne áleýmettik nysandarda bolyp eńbek ujymdarymen jáne jastarmen kezdesedi, sondai-aq azamattardyń qoǵamdyq qabyldaýyn ótkizedi dep josparlanýda», - delingen palatanyń baspasóz baianynda.
Májilis depýtattarynyń halyqpen kezdesýi oblys, aýdan ortalyqtarymen qatar shalǵaidaǵy eldi mekenderdi de qamtityn bolady.
.jpeg)