Májilis tóraǵasy Nurlan Nyǵmatýlin Internettiń qazaqstandyq segmenti dini ekstremizmen kúresýde kómekshi bolýy kerek ekenin aitty, - dep habarlaidy "Ult aqparat" Parlamenttiń tómengi palatasynyń baspasóz qyzmetine silteme jasap.
Nyǵmatýlin bul týraly Aqtóbede halyqaralyq ister, qorǵanys jáne qaýipsizdik máseleleri jónindegi otyrys barysynda aitty.
Májilis spikeri memlekettik organdar men basqa da qurylymdardyń qyzmeti tek qaýipti Internet saittardy buǵattaý emes, sondai-aq, bilim beretin jáne tanymdyq baǵyttaǵy saittardy arttyrý ekenin aityp ótti.
Nurlan Nyǵmatýlinniń aitýynsha, ekstremizmmen jáne terrorizmmen tek kúshtep kúresýge bolmaidy. Áleýmettik, ideologiialyq, tárbie jáne bilim berý de asa mańyzdy ról atqarady.
"Depýtattar búgin aitylǵan usynystardy biyl kúz aiynda Parlamentke engizileiin dep jatqan zańjobasynyń aiasynda qarap, talqylaityn bolady", - dedi Nyǵmatýlin.
Sondai-aq, Májilis tóraǵasy barlyq memlekettik jáne qoǵamdyq institýttyń birlesken jumysy radikaldyq kózqarastardyń qalyptasýyn aldyn alyp, terrorizm qaýipteri jaily eskertip, antiterrorlyq qorǵanystyń deńgeiin arttyratynyna senetinin aitty.
