Májilis Tóraǵasy Nurlan Nyǵmatýlin qazaqstandyqtardy memlekettiń aitýly merekesi – Táýelsizdik kúnimen quttyqtady, dep habarlaidy "Ult aqparat".
«Barshańyzdy elimizdiń eń mereili, eń mártebeli merekesi – Táýelsizdik kúnimen shyn júrekten quttyqtaimyn! Bul – árbir qazaqstandyq úshin erekshe orny bar mereke. Sebebi, osy táýelsizdiktiń arqasynda babalarymyzdyń asyl armanyna qol jetkizdik. Tuńǵysh Prezidentimiz, Elbasy Nursultan Ábishuly Nazarbaevtyń táýelsizdik alǵan kúnnen bastap, dana, kóregen, saliqaly saiasatynyń nátijesinde elimiz irgesi berik, bolashaǵy jarqyn, órkenietti elder deńgeiine jetti», - dedi Nurlan Nyǵmatýlin.
Sonymen qatar, Májilis Tóraǵasy, Elbasynyń strategiialyq damý baǵytyn búginde Memleket Basshysy Qasym-Jomart Kemeluly Toqaev odan ári jalǵastyryp jatqanyna erekshe nazar aýdardy.
Nurlan Nyǵmatýlin elimiz osy jyldar ishinde zor tabystarǵa, shynaiy jeńisterge jetkenin, bul barlyq qazaqstandyqtar úshin baǵa jetpes bailyq, zor maqtanysh ekenin aityp, elimizge birlik pen tynyshtyq, halqymyzǵa myqty densaýlyq jáne amandyq tiledi.
.jpeg)