Bilim jáne ǵylym vitse-ministri Bibigúl Asylova qazaqsha qoiylǵan suraqqa oryssha jaýap bergeni úshin Májilis tóraǵasy Nurlan Nyǵmatýlinnen sóz estip qaldy, dep habarlaidy baq.kz.
Búgin Májiliste «2018-2020 jyldarǵa arnalǵan respýblikalyq biýdjet týraly» QR Zańyna ózgerister men tolyqtyrýlar engizý týraly» zań jobasy talqyǵa salyndy.
Otyrysta depýtat Musyrman Káribaev bilim jáne ǵylym vitse-ministri Bibigúl Asylovaǵa ózin tolǵandyryp júrgen saýalǵa jaýap berýin surady.
«Bibigúl Amangeldiqyzy, biýdjetti kóktemgi naqtylaý kezinde Memleket basshysy Joldaýynda qoiylǵan mindetterdi jáne Prezidenttiń 5 áleýmettik bastamasyn, sondai-aq basqa da mindetterdi iske asyrý úshin bilim jáne ǵylym ministrliginiń shyǵystary 117 mlrd 800 mln teńgege ulǵaityldy. Alaida qazirgi tańda atalǵan somma 23 mlrd teńgege azaityldy. Bul bólingen qosymsha qarajattyń shamamen 20%-ne teń. Bul ministrliktiń qosymsha bólingen biýdjet qarajatynyń osynsha qomaqty sommasyn igermeý sebebi qandai? Bul Memleket basshysynyń bergen tapsyrmalaryn tolyq ári ýaqtyly oryndaýǵa teris áserin tigizbei me?», - dedi ol.
Alaida vitse-ministr qoiylǵan suraqqa oryssha jaýap berdi.
Osy oraida Nurlan Nyǵmatýlin Bibigúl Asylovaǵa qazaqsha úirenetin ýaqyt kelgenin aitty.
«Bibigúl Amangeldiqyzy, siz Májiliste barlyq muǵalim men oqýshyny 3 aida aǵylshynsha úiretip jatyrmyz dedińiz. Biraq sizge de memlekettik tilge úirenetin ýaqyt kelgen shyǵar», - dep túiindedi sózin Májilis tóraǵasy.
.jpeg)