Búgin Palatanyń kezekti jalpy otyrysynda Májilis Tóraǵasy Nurlan Nyǵmatýlin basqa elderdiń Qazaqstanǵa qaitarýǵa tiis bereshekterin ýaqytynda retteý kerektigine nazar aýdardy.
Naqtylap aitqanda bul másele Qazaqstan Úkimetiniń Grýziia Úkimetine bergen memlekettik kreditterin qaita qurylymdaýǵa qatysty ratifikatsiialyq zań jobasyn talqylaý kezinde kóterildi, dep habarlaidy Májilistiń baspasóz qyzmeti.
Máselen, depýtat Irina Ýnjakova Grýziia Úkimetiniń bereshekti qaitarmaýǵa qatysty jaǵdaiy 20 jyldan asyp bara jatqanyn atap aitty.
Osydan keiin Májilis Spikeri qarjy ministri Baqyt Sultanovqa: «Grýzindik áriptestermen qaryz máselesiniń rettelgeni jaqsy, degenmen, bul bosańsýǵa sebep bolmaýy kerek. Óitkeni, basqa eldermen qaryzdar boiynsha áli rettelmegen suraqtar bar», - dedi.
Sondai-aq, Májilis Tóraǵasy qaitarylǵan qarjylar biýdjet qorjynyn toltyrý kerektigin basa aitty. «Qaryzdy bergennen keiin, ýaqytynda qaitara bilý kerek», - dedi ol.
