بٷگٸن پالاتانىڭ كەزەكتٸ جالپى وتىرىسىندا مەجٸلٸس تٶراعاسى نۇرلان نىعماتۋلين باسقا ەلدەردٸڭ قازاقستانعا قايتارۋعا تيٸس بەرەشەكتەرٸن ۋاقىتىندا رەتتەۋ كەرەكتٸگٸنە نازار اۋداردى.
ناقتىلاپ ايتقاندا بۇل مەسەلە قازاقستان ٷكٸمەتٸنٸڭ گرۋزييا ٷكٸمەتٸنە بەرگەن مەملەكەتتٸك كرەديتتەرٸن قايتا قۇرىلىمداۋعا قاتىستى راتيفيكاتسييالىق زاڭ جوباسىن تالقىلاۋ كەزٸندە كٶتەرٸلدٸ, دەپ حابارلايدى مەجٸلٸستٸڭ باسپاسٶز قىزمەتٸ.
مەسەلەن, دەپۋتات يرينا ۋنجاكوۆا گرۋزييا ٷكٸمەتٸنٸڭ بەرەشەكتٸ قايتارماۋعا قاتىستى جاعدايى 20 جىلدان اسىپ بارا جاتقانىن اتاپ ايتتى.
وسىدان كەيٸن مەجٸلٸس سپيكەرٸ قارجى مينيسترٸ باقىت سۇلتانوۆقا: «گرۋزيندٸك ەرٸپتەستەرمەن قارىز مەسەلەسٸنٸڭ رەتتەلگەنٸ جاقسى, دەگەنمەن, بۇل بوساڭسۋعا سەبەپ بولماۋى كەرەك. ٶيتكەنٸ, باسقا ەلدەرمەن قارىزدار بويىنشا ەلٸ رەتتەلمەگەن سۇراقتار بار», - دەدٸ.
سونداي-اق, مەجٸلٸس تٶراعاسى قايتارىلعان قارجىلار بيۋدجەت قورجىنىن تولتىرۋ كەرەكتٸگٸن باسا ايتتى. «قارىزدى بەرگەننەن كەيٸن, ۋاقىتىندا قايتارا بٸلۋ كەرەك», - دەدٸ ول.
