Búgin Májilistiń jalpy otyrysynda Palata tóraǵasy Nurlan Nyǵmatýlin sessiia bastalǵannan bergi tórt ai ishinde atqarylǵan jumystarǵa toqtalyp, depýtattardyń aimaqtarǵa saparlaryna basa nazar aýdardy, dep habarlaidy "Ult aqparat" Baq.kz agenttigine silteme jasap.
«Bizdiń jańa jyldaǵy jumysymyz ádettegidei sailaýshylarmen kezdesýden bastalady. Bul - halqymyz úshin de, biz úshin de óte mańyzdy, óte qajetti sharalar. Sebebi, Elbasymyz bizge árqashanda halyqpen tikelei jumys jasap, elimizdi jańǵyrtý maqsattaryn túsindirý týraly naqty tapsyrmalar berip keledi. Sondyqtan, árbir aýylǵa baryp, barlyq bastamalardy jáne olardy zań jaǵynan qoldaý jumystaryn azamattarǵa jetkizý, ol - bizdiń basty mindetimiz. Sol úshin Májilis Biýrosynyń arnaiy sheshimi qabyldanyp, depýtattardyń aimaqtarǵa sapary josparlanyp otyr» - dedi N. Nyǵmatýlin.
Palata tóraǵasy atap ótkendei Májilis qyzmeti Elbasy Nursultan Ábishuly Nazarbaevtyń aǵymdaǵy sessiianyń ashylýynda júktegen mindetterin zańnamalyq turǵydan qamtamasyz etýge baǵyttaldy.
Sessiia basynda 80 zań jobasy jumysqa qabyldanyp, onyń 42-si qaralyp, maquldanǵan. Onyń ishinde 12 zań jobasyna depýtattar ózderi bastamashy bolǵan. Parlament qabyldaǵan 27 zańǵa búginde Memleket basshysynyń qol qoiylyp, óz kúshine endi.
Aǵymdaǵy sessiia jumysynda Májilis tóraǵasy «2018-2020 jyldarǵa arnalǵan respýblikalyq biýdjet týraly», Salyq kodeksi, Kedendik retteý, sondai-aq, Qazaqstannyń keibir konstitýtsiialyq zańdaryna ózgerister engizý, Ákimshilik quqyq buzýshylyq jáne Aqparat jáne kommýnikatsiia týraly zańdardyń jobalary men «Jer qoinaýy jáne jer qoinaýyn paidalaný týraly» Kodeks jobasy siiaqty maquldanǵan birqatar mańyzdy qujattardy atap ótti.
Sóz sońynda Nurlan Nyǵmatýlin depýtattardy kele jatqan jańa jyl merekesimen quttyqtap, elimizge tynyshtyq, árbir otbasyna amandyq tiledi.
.jpeg)