Májilis tóraǵasy Nurlan Nyǵmatýlin úshjyldyq biýdjet jobasynda kózdelgen seminarlar men simpoziýmdarǵa jumsalatyn shyǵyndardy qysqartýǵa, al únemdelgen qarajatty áleýmettik qajettilikterge qaita bólýge bolady dep esepteidi. Bul týraly "Ult aqparat" tómengi palatanyń baspasóz qyzmetine silteme jasap habarlaidy.
Osy máseleni Palata spikeri, Májilistegi «Nur Otan» fraktsiiasynyń jetekshisi Nurlan Nyǵmatýlin 2021-2023 jyldarǵa arnalǵan respýblikalyq biýdjet jobasyn fraktsiia otyrysynda aldyn ala talqylaý barysynda jumys tobyna múddeli memlekettik organdarmen birlesip pysyqtaýdy tapsyrdy.
- Biýdjetti qaraý barysynda biz onyń Tuńǵysh Prezident, Elbasy, «Nur Otan» partiiasynyń kóshbasshysy Nursultan Ábishuly Nazarbaevtyń jáne Memleket basshysy Qasym-Jomart Toqaevtyń alǵa qoiǵan mindetteriniń tolyq kólemde sheshilýine qol jetkizýimiz kerek. Bul rette biz koronavirýs pandemiiasy saldarynan álemdik ekonomikada qalyptasqan qazirgi kúrdeli jaǵdaidy negizge alýǵa tiispiz. Úsh jyldyq biýdjet dál osy jaǵdailardy eskere otyryp qalyptastyrylýy tiis, - dep atap ótti Nurlan Nyǵmatýlin.
Osyǵan bailanysty depýtattar qarajattyń bir bóligin asa mańyzdy baǵyttarǵa qaita bólýdi usyndy.
Atap aitqanda, bul konsaltingtik qyzmetterge, sondai-aq ártúrli seminarlar, konferentsiialar, simpoziýmdar ótkizýge bólingen qarajattarǵa qatysty.
Zertteýler men konsaltingtik qyzmetterdiń bir bóligi shyn máninde qajet ekendigimen kelise otyryp, Májilis tóraǵasy qazirgi zamanǵy bailanys quraldary, atap aitqanda, beinekonferentsiia formaty kóptegen is-sharalardy, sonyń ishinde halyqaralyq is-sharalardy kóp shyǵynsyz tiimdi ótkizýge múmkindik beretinine toqtaldy.
- Seminarlar men simpoziýmdardy jáne basqa da is-sharalardy ótkizýdi qalyptasqan jaǵdai turaqtanǵanǵa deiin shegerýge bolady. Qarajattardy neǵurlym mańyzdy áleýmettik jobalarǵa bólýdi qarastyrý qajet, - dedi Nurlan Nyǵmatýlin.
Depýtattar Memleket basshysynyń tapsyrmasyn oryndaýǵa úsh jyl ishinde aýyldy feldsherlik-akýsherlik pýnktter men dárigerlik ambýlatoriialarmen qamtamasyz etý máselesin kóterdi. Depýtattardyń alańdaýshylyǵyn áli kúnge deiin osyndai meditsinalyq pýnktterge óńirlerdiń naqty qajettilikteri týraly derekterdiń joqtyǵy týyndatyp otyr. Al qarastyrylyp otyrǵan úsh jyldyq biýdjette osyndai tarmaqtardy qurý úshin naqty qarjylyq usynystar joq.
Májilis spikeri aýyldarda jańa feldsherlik-akýsherlik pýnktter salýdy jedeldetý qajettigin atap ótip, bul maqsattarǵa qarajat kózdelýi tiis ekenin aitty.
Nurlan Nyǵmatýlinniń pikirinshe, Kvazimemlekettik sektormen igerilmegen jáne qazynashylyq shottarda jatqan qarajattyń bir bóligin osy baǵytqa qaita bólýge bolady.
Qazynashylyq shottarda 78 mlrd teńgeden astam qarajat bar. Májilis depýtattary atap ótkendei, bul aqsha ekonomikaǵa jumys istemeidi jáne biýdjettiń kiris bóligin tolyqtyrmaidy.
Sonymen qatar Májilistegi «Nur Otan» fraktsiiasynyń otyrysynda biýdjet jobasyn talqylaý barysynda depýtattar aýyldy sýmen qamtamasyz etý jobalaryn qarjylandyrý úshin de shyǵystardy ulǵaitýdy usyndy.
Májilis spikeriniń pikirinshe, aýyldardy aýyz sýmen qamtamasyz etý biýdjet basymdyqtarynyń biri bolýǵa tiis.
- Árbir problemanyń artynda azamattarymyz turǵanyn este saqtaý qajet. Májilistiń jalpy otyrysynda úshjyldyq biýdjet jobasy qaralǵanǵa deiin osy aitylǵan olqylyqtardyń ornyn toltyrý kerek. «Nur Otan» fraktsiia jumysynyń basymdyǵy partiia Kóshbasshysy, Elbasynyń jáne Memleket basshysynyń, sondai-aq partiianyń sailaýaldy tuǵyrnamasynyń tapsyrmalaryn zańnamalyq qamtamasyz etý. Munyń bári azamattarymyzdyń ómir súrý sapasyn jaqsartýǵa baǵyttalǵan, - dep túiindedi sózin Májilis Tóraǵasy.
