مەجٸلٸس تٶراعاسى نۇرلان نىعماتۋلين ٷشجىلدىق بيۋدجەت جوباسىندا كٶزدەلگەن سەمينارلار مەن سيمپوزيۋمدارعا جۇمسالاتىن شىعىنداردى قىسقارتۋعا, ال ٷنەمدەلگەن قاراجاتتى ەلەۋمەتتٸك قاجەتتٸلٸكتەرگە قايتا بٶلۋگە بولادى دەپ ەسەپتەيدٸ. بۇل تۋرالى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ حابارلايدى.
وسى مەسەلەنٸ پالاتا سپيكەرٸ, مەجٸلٸستەگٸ «Nur Otan» فراكتسيياسىنىڭ جەتەكشٸسٸ نۇرلان نىعماتۋلين 2021-2023 جىلدارعا ارنالعان رەسپۋبليكالىق بيۋدجەت جوباسىن فراكتسييا وتىرىسىندا الدىن الا تالقىلاۋ بارىسىندا جۇمىس توبىنا مٷددەلٸ مەملەكەتتٸك ورگاندارمەن بٸرلەسٸپ پىسىقتاۋدى تاپسىردى.
- بيۋدجەتتٸ قاراۋ بارىسىندا بٸز ونىڭ تۇڭعىش پرەزيدەنت, ەلباسى, «Nur Otan» پارتيياسىنىڭ كٶشباسشىسى نۇرسۇلتان ەبٸشۇلى نازارباەۆتىڭ جەنە مەملەكەت باسشىسى قاسىم-جومارت توقاەۆتىڭ العا قويعان مٸندەتتەرٸنٸڭ تولىق كٶلەمدە شەشٸلۋٸنە قول جەتكٸزۋٸمٸز كەرەك. بۇل رەتتە بٸز كوروناۆيرۋس پاندەميياسى سالدارىنان ەلەمدٸك ەكونوميكادا قالىپتاسقان قازٸرگٸ كٷردەلٸ جاعدايدى نەگٸزگە الۋعا تيٸسپٸز. ٷش جىلدىق بيۋدجەت دەل وسى جاعدايلاردى ەسكەرە وتىرىپ قالىپتاستىرىلۋى تيٸس, - دەپ اتاپ ٶتتٸ نۇرلان نىعماتۋلين.
وسىعان بايلانىستى دەپۋتاتتار قاراجاتتىڭ بٸر بٶلٸگٸن اسا ماڭىزدى باعىتتارعا قايتا بٶلۋدٸ ۇسىندى.
اتاپ ايتقاندا, بۇل كونسالتينگتٸك قىزمەتتەرگە, سونداي-اق ەرتٷرلٸ سەمينارلار, كونفەرەنتسييالار, سيمپوزيۋمدار ٶتكٸزۋگە بٶلٸنگەن قاراجاتتارعا قاتىستى.
زەرتتەۋلەر مەن كونسالتينگتٸك قىزمەتتەردٸڭ بٸر بٶلٸگٸ شىن مەنٸندە قاجەت ەكەندٸگٸمەن كەلٸسە وتىرىپ, مەجٸلٸس تٶراعاسى قازٸرگٸ زامانعى بايلانىس قۇرالدارى, اتاپ ايتقاندا, بەينەكونفەرەنتسييا فورماتى كٶپتەگەن ٸس-شارالاردى, سونىڭ ٸشٸندە حالىقارالىق ٸس-شارالاردى كٶپ شىعىنسىز تيٸمدٸ ٶتكٸزۋگە مٷمكٸندٸك بەرەتٸنٸنە توقتالدى.
- سەمينارلار مەن سيمپوزيۋمداردى جەنە باسقا دا ٸس-شارالاردى ٶتكٸزۋدٸ قالىپتاسقان جاعداي تۇراقتانعانعا دەيٸن شەگەرۋگە بولادى. قاراجاتتاردى نەعۇرلىم ماڭىزدى ەلەۋمەتتٸك جوبالارعا بٶلۋدٸ قاراستىرۋ قاجەت, - دەدٸ نۇرلان نىعماتۋلين.
دەپۋتاتتار مەملەكەت باسشىسىنىڭ تاپسىرماسىن ورىنداۋعا ٷش جىل ٸشٸندە اۋىلدى فەلدشەرلٸك-اكۋشەرلٸك پۋنكتتەر مەن دەرٸگەرلٸك امبۋلاتورييالارمەن قامتاماسىز ەتۋ مەسەلەسٸن كٶتەردٸ. دەپۋتاتتاردىڭ الاڭداۋشىلىعىن ەلٸ كٷنگە دەيٸن وسىنداي مەديتسينالىق پۋنكتتەرگە ٶڭٸرلەردٸڭ ناقتى قاجەتتٸلٸكتەرٸ تۋرالى دەرەكتەردٸڭ جوقتىعى تۋىنداتىپ وتىر. ال قاراستىرىلىپ وتىرعان ٷش جىلدىق بيۋدجەتتە وسىنداي تارماقتاردى قۇرۋ ٷشٸن ناقتى قارجىلىق ۇسىنىستار جوق.
مەجٸلٸس سپيكەرٸ اۋىلداردا جاڭا فەلدشەرلٸك-اكۋشەرلٸك پۋنكتتەر سالۋدى جەدەلدەتۋ قاجەتتٸگٸن اتاپ ٶتٸپ, بۇل ماقساتتارعا قاراجات كٶزدەلۋٸ تيٸس ەكەنٸن ايتتى.
نۇرلان نىعماتۋليننٸڭ پٸكٸرٸنشە, كۆازيمەملەكەتتٸك سەكتورمەن يگەرٸلمەگەن جەنە قازىناشىلىق شوتتاردا جاتقان قاراجاتتىڭ بٸر بٶلٸگٸن وسى باعىتقا قايتا بٶلۋگە بولادى.
قازىناشىلىق شوتتاردا 78 ملرد تەڭگەدەن استام قاراجات بار. مەجٸلٸس دەپۋتاتتارى اتاپ ٶتكەندەي, بۇل اقشا ەكونوميكاعا جۇمىس ٸستەمەيدٸ جەنە بيۋدجەتتٸڭ كٸرٸس بٶلٸگٸن تولىقتىرمايدى.
سونىمەن قاتار مەجٸلٸستەگٸ «Nur Otan» فراكتسيياسىنىڭ وتىرىسىندا بيۋدجەت جوباسىن تالقىلاۋ بارىسىندا دەپۋتاتتار اۋىلدى سۋمەن قامتاماسىز ەتۋ جوبالارىن قارجىلاندىرۋ ٷشٸن دە شىعىستاردى ۇلعايتۋدى ۇسىندى.
مەجٸلٸس سپيكەرٸنٸڭ پٸكٸرٸنشە, اۋىلداردى اۋىز سۋمەن قامتاماسىز ەتۋ بيۋدجەت باسىمدىقتارىنىڭ بٸرٸ بولۋعا تيٸس.
- ەربٸر پروبلەمانىڭ ارتىندا ازاماتتارىمىز تۇرعانىن ەستە ساقتاۋ قاجەت. مەجٸلٸستٸڭ جالپى وتىرىسىندا ٷشجىلدىق بيۋدجەت جوباسى قارالعانعا دەيٸن وسى ايتىلعان ولقىلىقتاردىڭ ورنىن تولتىرۋ كەرەك. «Nur Otan» فراكتسييا جۇمىسىنىڭ باسىمدىعى پارتييا كٶشباسشىسى, ەلباسىنىڭ جەنە مەملەكەت باسشىسىنىڭ, سونداي-اق پارتييانىڭ سايلاۋالدى تۇعىرناماسىنىڭ تاپسىرمالارىن زاڭنامالىق قامتاماسىز ەتۋ. مۇنىڭ بەرٸ ازاماتتارىمىزدىڭ ٶمٸر سٷرۋ ساپاسىن جاقسارتۋعا باعىتتالعان, - دەپ تٷيٸندەدٸ سٶزٸن مەجٸلٸس تٶراعاسى.
