Májilis Tóraǵasy Nurlan Nyǵmatýlin biznes-ahýaldy jaqsartý máseleleri boiynsha jańa zań jobasynan básekelestik ortasyn jetildirýge kedergi keltiretin normalardy alyp tastaýdy tapsyrdy, dep habarlaidy QazAqparat.
«Keiingi kezde otandyq naryqta básekelestik ortasy aitarlyqtai nasharlap ketti. Búgingi kúni AQ pen JShS sekildi 24 kásiporyn túri monopoliialyq túrde baǵany retteý máselesin qolǵa alyp alǵan. Bul kerek deseńiz Úkimet otyrysynda da jeke talqylanatyn máselege ainaldy. Osy jyldyń qańtar aiyndaǵy Úkimettiń keńeitilgen otyrysynda Prezident naryqtaǵy memlekettik qana emes, jeke kásiporyndardyń da monopoliiasyn erekshe atap ótip, demonopolizatsiia boiynsha naqty tapsyrmalardy bergen edi. Al sizder ne usynyp otyrsyzdar? Sizder oǵan qarsy usynystardy engizdińizder», - dedi Nurlan Nyǵmatýlin Úkimet basshysynyń orynbasary- Qarjy ministri Álihan Smaiylovqa qarata aitqan sózinde.
Májilis Tóraǵasy jańa zań boinysha naryq sýbektilerine konkýrstyq tártip kózdeletinine qatysty naqty jumystar baryn da aityp ótti.
«Biraq sizder usynys otyrǵan tyń usynystar memlekettik mekemelerge, tipti aýdan ákimdikterine deiin jańa monopoliialardy qurýǵa jol ashqaly otyr. Bul Memleket basshysynyń tapsyrmasyna qaishy keledi ǵoi. Áriptesterimniń ýájimen kelisemin. Kereksiz normany zań jobasynan alyp tastaý kerek», - dedi ol Parlament Májilisiniń jalpy otyrysynda.
Májilis Tóraǵasynyń bul eskertpesimen Ulttyq ekonomika ministri Rýslan Dálenov kelisetinin jetkizip, zań jobasyn ekinshi oqylymda túzeitinin málim etti.
Eske sala ketsek Rýslan Dálenov búgin Májiliste Qazaqstandaǵy biznes-ahýaldy jaqsartý máseleleri boiynsha jańa zań jobasyn tanystyrǵan bolatyn.
