QR Parlamenti Májilisiniń tóraǵasy Nurlan Nyǵmatýlin palatanyń jalpy otyrysynda Astana áýejaiyna Nursultan Nazarbaevtyń esimin berý sheshimimen qazaqstandyqtardy quttyqtady, dep habarlaidy "Ult aqparat".
«Búginnen bastap elordadaǵy Astana halyqaralyq áýejaiy Tuńǵysh Prezidentimiz - Elbasy Nursultan Ábishuly Nazarbaevtyń atymen atalatyn boldy. Bul - Táýelsiz Qazaqstannyń negizin qalaǵan Elbasynyń eren eńbegine taǵy da bir erekshe qurmet. Sondyqtan da barsha qazaqstandyqtardy osy qabyldanǵan sheshimmen quttyqtaǵym keledi. Bizdiń memlekettiń qurylysynda Ult Kóshbasshysynyń eren eńbegin bekitý turýly usynys «Qazaqstan Respýblikasy Táýelsizdiginiń 25 jyldyǵy tarihi Deklaratsiiasyn» Parlament qabyldaǵannan keiin belsendi talqylanǵan edi. Bul turǵyda Tuńǵysh Prezidenttiń esimin atap kórsetý, onyń ishinde Astana halyqaralyq jańa áýejaiynyń atyn ózgertý qamtylǵan edi. Atalǵan bastama Qazaqstan azamattarynyń jappai qoldaýyna ie boldy. Osy oraida óńirlerge saparlar barysynda halyqpen kezdesýler kezinde kózimiz jetti», - dedi Nyǵmatýlin Májilistiń jalpy otyrysynda.
Palata tóraǵasy óz sózinde elimizdiń damýyndaǵy Nursultan Nazarbaev strategiialyq reformalardyń bastamashysy ekenin aita kele, Prezidenttiń eren eńbegine orai Astana elorda áýejaiyn Elbasynyń esimimen ataý airyqsha mańyzdylyqqa ie ekenin jetkizdi.
.jpeg)