Búgin Parlament palatalarynyń birlesken otyrysynda Májilis tóraǵasy Nurlan Nyǵmatýlin depýtattardyń aldaǵy sessiiada atqaratyn jumystary týraly aitty, dep habarlaidy QazAqparat.
«Aldaǵy besinshi sessiia jumysyn aita ketsek, Parlament Elbasy Nursultan Nazarbaevtyń Joldaýy men áleýmettik qamqorlyq bastamalaryn iske asyrýǵa arnalǵan jumystardy odan ári jalǵastyratyn bolady. Sonymen birge, depýtattar óz jumystarynda Memleket basshysy Qasym-Jomart Toqaev usynǵan 10 negizgi baǵytty basshylyqqa alynady», - dedi N. Nyǵmatýlin.
Onyń sózine qaraǵanda, qazirgi ýaqytta Parlament qorjynynda 34 zań jobasy bar.
«Bizdiń aldymyzda 2020-2022 jyldarǵa arnalǵan respýblikalyq biýdjet týraly zańdy qabyldaý mindeti tur. Bul qujattyń negizgi maqsaty - halyqtyń ómir sapasyn jaqsartýǵa arnalǵan memlekettik baǵdarlamalarǵa tiisti qarajat bólýdi qamtamasyz etý. Sonymen birge, «Halyq densaýlyǵy jáne densaýlyq saqtaý júiesi týraly» Kodeks, sondai-aq jańa Ekologiialyq kodeksti qabyldaý birinshi kezektegi mańyzdy jumystardyń biri. Buǵan qosa, bolashaq urpaqty tárbieleitin, úlken jaýapkershilikti qajet etetin pedagog mártebesi týraly jáne mádeniet máselelerine arnalǵan zańdarymyz bar», - dedi N. Nyǵmatýlin.
Onyń atap ótýinshe, aldaǵy sessiiada Parlamentte tarihi mańyzy zor iri halyqaralyq shara ótetin bolady. Biylǵy qyrkúiekte elordada Eýraziia elderi parlamentteri spikerleriniń tórtinshi forýmy bolady. «Úlken Eýraziia: Dialog. Senim. Seriktestik» dep atalatyn mańyzdy jiynǵa 60-tan astam eldiń parlament basshylary qatysady, sonymen birge, 16 halyqaralyq jáne parlamenttik uiym basshylary keledi dep kútilýde.
Sondai-aq, ol Úkimettiń zań jobalaý jumysyna basa nazar aýdarý kerektigin aitty.
«Barshańyzǵa belgili, elimizde zań shyǵarý mindeti Úkimetke jáne Parlamentke berilgen. Árine, Parlament pen Úkimet ózara tiimdi qyzmet atqarǵanymen, oryn alǵan kemshilikter de áli az emes. ol kemshilikterge der kezinde nazar aýdarý - zań shyǵarý jumysymyzdyń sapaly bolýynyń kepili. Osy oraida Úkimettiń zań jobalaý jumysyna basa nazar aýdarý qajet, sebebi Úkimettiń zań jobalaý jumysy áli de joǵary deńgeide emes dep aitýǵa bolady», - dedi Májilis tóraǵasy.
Sonymen qatar N. Nyǵmatýlin úkimettik zań jobalarynyń sapasyna ekpin qoiý kerektigin atap ótti.
«Osy kótergen máseleni eskerip, Úkimet atalǵan kemshilikterge nazar aýdarady dep senemiz», - dedi ol.
Budan buryn habarlanǵandai, Qazaqstan Parlamenti depýtattary kanikýlǵa ketti.
