بٷگٸن پارلامەنت پالاتالارىنىڭ بٸرلەسكەن وتىرىسىندا مەجٸلٸس تٶراعاسى نۇرلان نىعماتۋلين دەپۋتاتتاردىڭ الداعى سەسسييادا اتقاراتىن جۇمىستارى تۋرالى ايتتى, دەپ حابارلايدى قازاقپارات.
«الداعى بەسٸنشٸ سەسسييا جۇمىسىن ايتا كەتسەك, پارلامەنت ەلباسى نۇرسۇلتان نازارباەۆتىڭ جولداۋى مەن ەلەۋمەتتٸك قامقورلىق باستامالارىن ٸسكە اسىرۋعا ارنالعان جۇمىستاردى ودان ەرٸ جالعاستىراتىن بولادى. سونىمەن بٸرگە, دەپۋتاتتار ٶز جۇمىستارىندا مەملەكەت باسشىسى قاسىم-جومارت توقاەۆ ۇسىنعان 10 نەگٸزگٸ باعىتتى باسشىلىققا الىنادى», - دەدٸ ن. نىعماتۋلين.
ونىڭ سٶزٸنە قاراعاندا, قازٸرگٸ ۋاقىتتا پارلامەنت قورجىنىندا 34 زاڭ جوباسى بار.
«بٸزدٸڭ الدىمىزدا 2020-2022 جىلدارعا ارنالعان رەسپۋبليكالىق بيۋدجەت تۋرالى زاڭدى قابىلداۋ مٸندەتٸ تۇر. بۇل قۇجاتتىڭ نەگٸزگٸ ماقساتى - حالىقتىڭ ٶمٸر ساپاسىن جاقسارتۋعا ارنالعان مەملەكەتتٸك باعدارلامالارعا تيٸستٸ قاراجات بٶلۋدٸ قامتاماسىز ەتۋ. سونىمەن بٸرگە, «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس, سونداي-اق جاڭا ەكولوگييالىق كودەكستٸ قابىلداۋ بٸرٸنشٸ كەزەكتەگٸ ماڭىزدى جۇمىستاردىڭ بٸرٸ. بۇعان قوسا, بولاشاق ۇرپاقتى تەربيەلەيتٸن, ٷلكەن جاۋاپكەرشٸلٸكتٸ قاجەت ەتەتٸن پەداگوگ مەرتەبەسٸ تۋرالى جەنە مەدەنيەت مەسەلەلەرٸنە ارنالعان زاڭدارىمىز بار», - دەدٸ ن. نىعماتۋلين.
ونىڭ اتاپ ٶتۋٸنشە, الداعى سەسسييادا پارلامەنتتە تاريحي ماڭىزى زور ٸرٸ حالىقارالىق شارا ٶتەتٸن بولادى. بيىلعى قىركٷيەكتە ەلوردادا ەۋرازييا ەلدەرٸ پارلامەنتتەرٸ سپيكەرلەرٸنٸڭ تٶرتٸنشٸ فورۋمى بولادى. «ٷلكەن ەۋرازييا: ديالوگ. سەنٸم. سەرٸكتەستٸك» دەپ اتالاتىن ماڭىزدى جيىنعا 60-تان استام ەلدٸڭ پارلامەنت باسشىلارى قاتىسادى, سونىمەن بٸرگە, 16 حالىقارالىق جەنە پارلامەنتتٸك ۇيىم باسشىلارى كەلەدٸ دەپ كٷتٸلۋدە.
سونداي-اق, ول ٷكٸمەتتٸڭ زاڭ جوبالاۋ جۇمىسىنا باسا نازار اۋدارۋ كەرەكتٸگٸن ايتتى.
«بارشاڭىزعا بەلگٸلٸ, ەلٸمٸزدە زاڭ شىعارۋ مٸندەتٸ ٷكٸمەتكە جەنە پارلامەنتكە بەرٸلگەن. ەرينە, پارلامەنت پەن ٷكٸمەت ٶزارا تيٸمدٸ قىزمەت اتقارعانىمەن, ورىن العان كەمشٸلٸكتەر دە ەلٸ از ەمەس. ول كەمشٸلٸكتەرگە دەر كەزٸندە نازار اۋدارۋ - زاڭ شىعارۋ جۇمىسىمىزدىڭ ساپالى بولۋىنىڭ كەپٸلٸ. وسى ورايدا ٷكٸمەتتٸڭ زاڭ جوبالاۋ جۇمىسىنا باسا نازار اۋدارۋ قاجەت, سەبەبٸ ٷكٸمەتتٸڭ زاڭ جوبالاۋ جۇمىسى ەلٸ دە جوعارى دەڭگەيدە ەمەس دەپ ايتۋعا بولادى», - دەدٸ مەجٸلٸس تٶراعاسى.
سونىمەن قاتار ن. نىعماتۋلين ٷكٸمەتتٸك زاڭ جوبالارىنىڭ ساپاسىنا ەكپٸن قويۋ كەرەكتٸگٸن اتاپ ٶتتٸ.
«وسى كٶتەرگەن مەسەلەنٸ ەسكەرٸپ, ٷكٸمەت اتالعان كەمشٸلٸكتەرگە نازار اۋدارادى دەپ سەنەمٸز», - دەدٸ ول.
بۇدان بۇرىن حابارلانعانداي, قازاقستان پارلامەنتٸ دەپۋتاتتارى كانيكۋلعا كەتتٸ.
