Elordanyń sol jaǵalaýyndaǵy Nurjol jelekjolynda ornalasqan sýburqaqta Batyrhan Shúkenov pen Dimash Qudaibergen ánderi oinalady. Bul týraly Esil aýdanynyń ákimi Berik Jákenov Facebook paraqshasynda jazdy, dep habarlaidy "Ult aqparat".
«Taiaý ýaqytta bárimizdiń súiikti sýburqaǵymyz jańasha áýen oinaityn bolady. 15 maýsymǵa deiin Nurjol jelekjolyndaǵy mýzykalyq sýburqaq jumys istemeidi. Sý astyndaǵy projektorlardyń shamamen 300 shamyn aýystyrý jumystaryn júrgizemiz. Eski úlgidegi shamdardy jańa jaryqdiodty shamdarǵa aýystyramyz», - dedi ol.
Osy oraida aýdan ákimi án qumarlarǵa jaqsy jańalyǵymen bólisti.
«Ýáde bergenimdei, atalǵan sýburqaqtyń mýzykalyq repertýaryn sizderdiń usynystaryńyz boiynsha ózgertemiz. Bul istiń ózindik erekshelikteri bar. Protsess barynsha kúrdeli, mamandar barlyǵy birkelki jumys isteýi úshin horeografiiany qolmen baǵdarlamalap shyǵady. Jaqynda «Kózimniń qarasy», «Dýdar-ai» jáne Batyrhan Shúkenov pen Dimash Qudaibergenniń ánderi men klassikalyq kompozitsiialaryn estimiz», - dedi Berik Jákenov.
