Májilis depýtaty Nurjan Áltaev «Nur Otan» partiiasy qatarynan shyǵarylyp, depýtattyq ókilettigi toqtatyldy, dep habarlaidy "Ult aqparat".
Búgin QR Ortalyq sailaý komissiiasy QR Parlamenti Májilisiniń depýtaty N.B. Áltaevtyń ókilettigin toqtatý týraly qujatty qabyldady.
«QR Parlamenti Májilisiniń depýtaty Nurjan Baýyrjanuly Áltaevtyń ókilettigi onyń «Nur Otan» partiiasynyń qatarynan shyǵarylǵany týraly «Nur Otan» partiiasy Nur-Sultan qalasy filialynyń Saiasi keńesi Biýrosynyń 2020 jylǵy 30 qarashadaǵy № 1 qaýlysyna bailanysty toqtatylsyn», - delingen qujatta.
«Nur Otan» partiialyq baqylaý komitetiniń otyrysy ótti. Onda partiia múshesi Nurjan Áltaevtyń Partiia Jarǵysy men partiia múshesiniń Etika kodeksin saqtaýy máselesi qaraldy», - dep jazdy Májilis depýtaty Pavel Kazantsev óziniń áleýmettik jelidegi paraqshasynda.
Onyń sózine qaraǵanda, otyrys qortyndysy boiynsha «Nur Otan» bedelin túsiretin ári onyń múddesine nuqsan keltiretin is-qimyldar jasaǵany úshin N. Áltaevty partiia qatarynan shyǵarýdy «Nur Otan» partiiasy Nur-Sultan qalasy filialynyń Saiasi keńesi Biýrosyna usyný sheshimi biraýyzdan qabyldandy. Bul turǵyda onyń birqatar málimdemeleri men jańa saiasi partiiany qurý nieti talqylandy.
Osy oraida «Nur Otan» partiiasy Nur-Sultan qalasy filialynyń Saiasi keńesi Biýrosy atalǵan usynysty qoldap, ony tiisti otyrystaqarastyryp, N. Áltaevty partiia qatarynan shyǵardy.
