11 qazanda Qazaqstan Respýblikasy Ortalyq sailaý komissiiasynda kandidat Nurjan Baýyrjanuly Áltaevtyń memlekettik tildi erkin meńgergendigin anyqtaý boiynsha lingvistikalyq komissiianyń otyrysy ótti, dep habarlaidy "Ult aqparat" OSK baspasóz qyzmetine silteme jasap.
"Lingvistikalyq emtihan úsh kezeńde ótkizildi: jazba jumysyn oryndaý, qazaq ádebieti klassikteriniń shyǵarmasynan úzindi oqý jáne kandidat tańdaǵan taqyryp boiynsha kópshilik aldynda sóz sóileý.
Emtihan aiaqtalǵan soń, komissiia alqaly talqylaý ótkizip, qorytyndylady" - delingen habarlamada.
Otyrystyń qorytyndysyn lingvistikalyq komissiianyń tóraǵasy, filologiia ǵylymdarynyń doktory, professor Ádil Qurmanjanuly Ahmetov baiandaǵan.
"Kandidat «Birtutas Alash ideiasy» taqyrybyna jazba jumysyn oryndady. Jumys mazmuny, stili, emlesi, tynys belgileri boiynsha baǵalandy. Ekinshi tapsyrma boiynsha Iliias Esenberlinniń «Kóshpendiler» romanynan aýyzsha úzindi oqydy. Úshinshi tapsyrma boiynsha «Babalar amanaty» taqyrybyna on bes minýt kóleminde oiyn aýyzsha jetkizdi.
Lingvistikalyq komissiia emtihan qorytyndysynda QR Prezidenttigine kandidat Nurjan Baýyrjanuly Áltaevtyń memlekettik tildi erkin meńgergendigi týraly ashyq daýyspen sheshim qabyldady.
