«Otandastar Qory» KEAQ janynan qurylǵan Qoǵamdyq Komissiianyń alǵashqy otyrysy ótti, dep habarlaidy Baq.kz agenttigi.
Otyrystyń basty maqsaty – Elbasy shettegi jáne elge kóship keletin aǵaiyndy qoldaý úshin «Otandastar» qory» men «Dúniejúzi qazaqtary qaýymdastyǵyna» birlesip, otandastarǵa jan-jaqty qoldaý jáne kómek berýdiń is-sharalaryn anyqtap bergen sharalardy atqarý.
Shettegi qandastarymyzǵa bailanysty memlekettik saiasattyń negizgi baǵyttary:
- shettegi qandastarymyzdy jan-jaqty qoldaý;
- Qazaqstanǵa kóship kelgen aǵaiyndardyń beiimdelýine kómek berý;
- memlekettik diasporalyq saiasatty baǵdarlamalyq jáne zańnamalyq qujattarmen qamtamasyz etý.
Komissiianyń negizgi mindeti – memlekettik diasporalyq saiasatty qalyptastyrýda jáne otandastarǵa qoldaý kórsetýde atqarylatyn sharalardyń júzege asyrylýyna jan-jaqty yqpal etý.
Komissiianyń sheshimi boiynsha onyń jumysyna memlekettik organdardyń, qoǵamdyq birlestikterdiń ókilderi, sondai-aq Komissiia qyzmetine qoldaý kórsetetin jáne járdemdesetin adamdar qatysa alady.
«Qoǵamdyq Komissiia, óz jumysyn búkil álem qazaqtaryn tarihi jáne etnikalyq Otany tóńireginde biriktirý ideologiiasyn negizge ala otyryp, qazaq diasporasyna qatysty memlekettik saiasatty qalyptastyrýǵa baǵyttaitynyna senimdimin. Aldymyzda úlken mindetter tur, olardy sheshý jolynda birlesip qyzmet atqarýǵa shaqyramyn», - dedi Qoǵamdyq komissiianyń alǵashqy otyrysynda «Otandastar Qory» KEAQ-nyń Prezidenti Nurtai Abyqaev.
Qoǵamdyq Komissiianyń kún tártibinde "Otandastar" qorynyń negizgi qyzmeti men jobalary, sondai aq, komissiianyń uiymdastyrýshylyq sharalary talqylanady.
Komissiia quramyna sailanǵan memlekettik jáne qoǵam qairatkerleri - Qýandyq Turǵanqulov, Túrkitaný jáne Altai ǵylymi-zertteý ortalyǵynyń direktory - Sartqoja Qarjaýbai, QR Parlament Májilisiniń depýtaty Beibit Mamyraev, Qazaqstan zańgerleri odaǵynyń tóraǵasy Serik Aqylbai, «Egemen Qazaqstan» respýblikalyq gazeti AQ basqarma tóraǵasy Darhan Qydyráli, sondai aq ǵalymdar, saiasattanýshylar jáne basqa da qoǵam belsendileri Qoǵamdyq komissiianyń tóraǵalyǵyna usynylǵan QR Parlament Senatynyń depýtaty Murat Baqtiiarulyn qoldady.
Dialog alańynyń jumysy barysynda «Otandastar Qory» KEAQ-nyń qyzmetiniń negizgi baǵyttary týraly tanystyrylym jasalyp, jan-jaqty talqylaýǵa salyndy.
Sondai-aq, Qoǵamdyq komissiianyń 2019 jylǵa arnalǵan jumys jospary maquldanyp, otandastar.org.kz resmi portalynyń iske qosylǵanǵandyǵy jariialandy.
